სწორედ პროექტის მართვის პროგრამული უზრუნველყოფაა, რაც ქმნის დიდ განსხვავებას იმ გუნდს, რომელიც აღწევს ყველა მიზანს და იმ გუნდს შორის, რომელიც ვერაფერს ახერხებს. ზოგიერთი პროგრამული გადაწყვეტა განკუთვნილია რთული პროექტების მქონე დიდი გუნდებისთვის, სხვები იდეალურია მცირე გუნდებისა და მარტივი პროექტებისთვის, თუმცა არის ისეთებიც, რომლებიც ამ ორს შორის ბალანსს ქმნის. არ აქვს მნიშვნელობა რა ტიპის პროექტებს მართავთ, ეს სტატია დაგეხმარებათ იპოვოთ პროექტის მართვის პროგრამული უზრუნველყოფა, რომელიც თქვენი საჭიროების შესაბამისია.
Zoho Projects ღრუბლოვან სისტემაზე დაფუძნებული გადაწყვეტილებაა. ინტუიტური ინტერფეისითა და ინსტრუმენტების მრავალფეროვანი არჩევანით, Zoho-ს საშუალებით, ნებისმიერი პროექტის მართვას შეძლებთ. დროის დაზოგვის მიზნით შეგიძლიათ რამდენიმე რუტინული დავალების ავტომატიზაციაც კი. ასევე, შეგიძლიათ მარტივად ადევნოთ თვალი როგორც გადახდებს, ასევე არასაანგარიშო საათებს ამოცანების შესასრულებლად. Zoho Projects გთავაზობთ უფასო მუდმივ სერვისს სამამდე მომხმარებლისა და ორი პროექტისთვის, რაც კარგია ინდივიდუალური გამოყენების ან ერთჯერადი ამოცანისთვის.
Monday.com არის პროექტის მართვის ერთ-ერთი ყველაზე პოპულარული ინსტრუმენტი, რომელსაც იყენებს 180,000-ზე მეტი გუნდი. მას ენდობიან ისეთი კომპანიები, როგორებიცაა Adobe, Coca-Cola, Walmart, NBC და სხვა. ინტუიტური დაფისა და რეგულირებადი სვეტების საშუალებით, თქვენი პროექტის პროგრესის ვიზუალიზაცია ადვილია ნებისმიერ მომენტში. მას ასევე აქვს ინტერფეისი დავალებების შესასრულებლად, რაც მას პროექტის მართვის ერთ-ერთ უფრო მარტივ ინსტრუმენტად აქცევს. პლატფორმაზე მომსახურების მრავალფეროვანი შეთავაზებაა, რაც სასურველი არჩევანის გაკეთებას გაგიადვილებთ.
Wrike პროექტის მენეჯმენტის პოპულარული გადაწყვეტაა მარკეტინგის გუნდებისთვის. მას 20,000-ზე მეტი ბიზნესი იყენებს პროექტის მენეჯმენტისთვის. Wrike-ს ენდობიან დიდი ორგანიზაციები, როგორიცაა Verizon და Airbnb.
Wrike გაძლევთ რეალურ დროში განახლებულ სტატუსებს თქვენი გუნდის ყველა პროექტისთვის. შეგიძლიათ მარტივად ჩართოთ და მოაწყოთ ცენტრალიზებული სისტემა ყველასთვის, ვინც თანამშრომლობს პროექტზე. ეს პროგრამა ეფექტურია მარკეტინგისა და კრეატიული გუნდებისთვის. Wrike-ს აქვს პროექტის მართვის კონკრეტული ინსტრუმენტები კამპანიის მენეჯმენტისთვის, სადაც გუნდებს შეუძლიათ ითანამშრომლონ, თვალყური ადევნონ პროგრესს და გადახედონ თითოეული კამპანიის შედეგებს. ასევე, Wrike-ს აქვს პროექტის მართვის შაბლონები, რომლებიც შექმნილია კონტენტის შესაქმნელად. ეს წინასწარ განსაზღვრული სამუშაო პროცესი მოიცავს ყველაფერს, კრეატიული მოკლე კონტენტით დაწყებული, საბოლოო მიწოდებამდე და რეპორტინგამდე.
Teamwork.com-ს იყენებენ ისეთი კომპანიები, როგორებიცაა: Spotify, Disney, Panasonic და PayPal. პლატფორმა აადვილებს დისტანციური საქმიანობის მქონე ბიზნესისთვის პროექტებზე თანამშრომლობას. კომუნიკაცია ყველასთვის ადვილია, მკაფიოა ხილვადობა პროექტის მიმდინარეობის შესახებ და არ აქვს მნიშვნელობა საიდან მუშაობენ ადამიანები. ამ პროგრამული უზრუნველყოფის მართვის ხელსაწყოს აქვს ჩაშენებული ჩატი, მარტივი დაფები და მორგებული შაბლონები. Teamwork.com საშუალებას გაძლევთ დააბალანსოთ თქვენი გუნდის დატვირთვები რეალურ დროში.
Trello არის პროექტის მართვის ერთ-ერთი ყველაზე პოპულარული პროგრამა. მას მილიონობით მომხმარებელი ენდობა. მცირე გუნდებისა და მარტივი პროექტებისთვის, უფასო პროექტების მართვის პროგრამა Trello-სგან მშვენიერი გადაწყვეტილებაა ბიზნესის საჭიროებების დასაკმაყოფილებლად. Trello იყენებს კანბანის სტილის დაფებს სამუშაოსთვის, დამატებითი პროექტებისთვის და გრძელვადიანი მიზნებისთვის. შეგიძლიათ ის გამოიყენოთ ინდივიდუალური პროექტების სამართავადაც, როგორიცაა ოჯახური შვებულების ორგანიზება.
Gantt სქემები ას წელზე მეტია არსებობს. ამ რევოლუციურმა ჩარტებმა შეცვალა დავალებების შესრულების გზები და მრავალი პროექტის მართვის გადაწყვეტის საფუძველია. როგორც სახელი გვკარნახობს, TeamGantt არის პროექტის მართვის პროგრამული უზრუნველყოფა, რომელიც იყენებს Gantt სქემებს. მათთვის, ვინც ახლა იწყებს და სწავლობს პროექტის მენეჯმენტს, TeamGantt საუკეთესო ვარიანტია.
Favro არის პროექტის მართვის პროგრამული უზრუნველყოფა, რომელიც შექმნილია მცირე სწრაფი გუნდებისთვის. ეს პლატფორმა უზრუნველყოფს ეფექტურ ინტერფეისს როგორც მის დესკტოპზე, ასევე მობილურ აპებზე, აძლევს მარტივ წვდომას დაფებსა და ბარათებზე დაგეგმვისა და შესრულებისთვის. ამ დაფებსა და ბარათებში ადვილია ფაილების გაზიარება, პროგრესის დიაგრამა, დავალებების მინიჭება და სამუშაო პროცესის ორგანიზება. ყველაფერი, თქვენი საგზაო რუკის ცვლილებებით დაწყებული, წინადადებების ერთად დაწერით დამთავრებული, ხდება პლატფორმაზე რეალურ დროში.
წყარო: quicksprout
