კანის ფესტივალი დაიწყო… გუშინ პირველი ლომები გადასცეს გამარჯვებულებს… საქართველოში ბუნებრივია ყველაზე პოპულარული “FILM LIONS“კატეგორიაა და ხშირ შემთხვევაში კანის ფესტივალი მხოლოდ მასთან ასოცირდება.
თუმცა, ყველაზე პრესტიჟულ “FILM LIONS“ –თან ერთად კანის ფესტივალზე კიდევ 16 ძალიან საინტერესო ნომინაციაა, რომლებიც სარეკლამო სფეროს ყველა მიმართულებას მოიცავს.
გუშინ 4 ნომინაციაში გამარჯვებულები დაასახელეს, ესენია PROMO & ACTIVATION LIONS, CREATIVE EFFECTIVENESS LIONS, DIRECT LIONS, PR LIONS.
თითოეულ ნომინაციაში 4 რანგის ჯილდო არსებობს: ბრინჯაოს ლომი, ვერცხლის ლომი, ოქროს ლომი და გრან პრი.
ჟიურის საკმაოდ რთული სამუშაოს შესრულება უწევს. მაგალითად, „PROMO & ACTIVATION LIONS“ კატეგორიაში, მსოფლიოს სხვადასხვა ქვეყნიდან 3200 ნომინანტი იყო. ალბათ სწორედ აქედან გამომდინარეა ის რომ, ბრინჯაოს და ვერცხლის ლომები საკმაოდ უხვად გაიცემა. მხოლოდ ამ ნომინაციაში 44 ბრინჯაოს და 29 ვერცხლის ლომი გადასცეს. (და ეს მაქსიმუმი სულაც არ არის).
ბრინჯაოს და ვერცხლის ლომების დასახელებას ერთი ძალიან საინტერესო დეტალი ახლავს. ოქროს და გრან პრის გამარჯვებულებს წინასწარ ატყობინებენ გამარჯვების შესახებ, რადგან მათ დარბაზში მათთვის განკუთვნილი ადგილი დაიკავონ, რომ პრიზის გადაცემის მომენტში ცერემონიის მსვლელობა არ შეფერხდეს და გამარჯვებულებმა დაუბრკოლებლად მოახერხონ სცენაზე ასვლა. ანუ, მათ რამდენიმე საათით ადრე იციან გამარჯვების შესახებ და პირველი მოულოდნელი სიხარული უკვე განცდილი აქვთ.
რაც შეეხება ბრინჯაოს და ვერცხლის ლომებს: მათი დიდი რაოდენობის გამო გამარჯვებულების დასახელება შემდეგი წესით ხდება. დიდ ეკრანზე ისე, როგორც ჰოლივუდის ფილმების ბოლო ტიტრებშია, მოკლე დროში იწერება იმ კომპანიების ჩამონათვალი, რომლებმაც კონკრეტულ ნომინაციაში გაიმარჯვეს. დარბაზში ნომინანტები გაფაციცებით აკვირდებიან სცენას და მოულოდნელად ჩაბნელებული დარბაზის სხვადასხვა კუთხეში ისმის გამარჯვებულების შეძახილები და ოავაციები, რომლებმაც სულ ამ წამს გაიგეს გამარჯვების შესახებ.
და ამის შემდეგ იწყება მთავარი, ოქროს ლომების და გრან პრის გამარჯვებულების დაჯილოდოება:
პირველი კატეგორია – PROMO & ACTIVATION LIONS
– აქტივობა, რომელიც მიზნად ისახავს შექმნას/გამოიწვიოს სწრაფი რეაქცია ან მომხმარებელს შესთავაზოს გასაყიდი პროდუქტი ან მომსახურება .
ოქროს ლომები:
Advertiser: DHL
Product: POSTAL DELIVERY
Entrant: JUNG von MATT Stuttgart, GERMANY
Title:TROJAN MAILING
http://youtu.be/O-8POr_0RJA
Client: HONDA MOTOR CO.
Product: INTERNAVI
Entrant: DENTSU Tokyo, JAPAN
Client: BISCHÖFLICHES HILFSWERK MISEREOR
Product: DONATIONS
Entrant: KOLLE REBBE Hamburg, GERMANY
Client: CNA
Product: ENGLISH COURSE
Entrant: FCB BRASIL São Paulo, BRAZIL
გრან პრი:
Client: HARVEY NICHOLS
Product: CHRISTMAS
Entrant: ADAM&EVEDDB London, UNITED KINGDOM
ბაჩო მებურიშვილი – ექსკლუზიურად მარკეტერისთვის კანის ფესტივალიდან!
განხილვა