PUMA-მ საფეხბურთო კლუბ A.C. Milan-ს 2019/20 სეზონისთვის საშინაო ფორმა შეუკერა. სპორტული სამოსის ბრენდმა, გუნდის ტრადიცია არ დაარღვია და ახალი მოდელები წითლისა და შავის კომბინაციით შექმნა.
AC Milan-ის ფეხბურთელები, ახალ ფორმას, Seria A-ს 2019/2020 სეზონის პირველსავე მატჩზე ჩაიცვამენ. PUMA-ს ახალი კოლექციის ინსპირაცია კლუბის 1960-იანი წლების უნიფორმა გახდა.
საფეხბურთო კლუბისთვის, წითელი და შავი ზოლები, ტრადიციულად, იტალიისა თუ ევროპის ჩემპიონატებზე გამარჯვებასთან ასოცირდება – AC Milan-ის ფეხბურთელებს, ათწლეულებია, საშინაო თუ გასვლით მატჩებზე, ამ ფერებში გაწყობილი ფორმა აცვიათ.
