2018 წელს, მსოფლიოს 500 ყველაზე მდიდარი ადამიანის ქონება 511 მილიარდი დოლარით, 4,7 ტრილიონ დოლარამდე შემცირდა. ამის შესახებ ინფორმაციას Bloomberg ავრცელებს. აღსანიშნავია, რომ წლის დასაწყისში, უმდიდრესი ადამიანების ქონება რეკორდულ მაჩვენებლამდე – 5,6 ტრილიონ დოლარამდე გაიზარდა, თუმცა წლის მეორე ნახევარში მკვეთრად დაეცა. გამოცემის ინფორმაციით, ამის მთავარი მიზეზი საფონდო ბირჟებზე არსებული არასტაბილურობა იყო.
რაც შეეხება უმდიდრეს ადამიანებს, რომლებსაც ჩვენს სტატიებში ხშირად ნახავთ. წელს, Facebook-ის დამფუძნებელმა მარკ ზაკერბერგმა 23 მილიარდი დოლარი დაკარგა. ბაზარზე არსებული არასტაბილურობის შედეგად, Amazon-ის დამფუძნებლის, ჯეფ ბეზოსის ქონება წლის დასაწყისიდან სექტემბრამდე 69 მლრდ დოლარით, 168 მლრდ დოლარამდე გაიზარდა, თუმცა, სექტემბრიდან დღემდე, 53 მილიარდით შემცირდა.
