თანამედროვე არტისტები მრავალ, შემოქმედებითად საინტერესო ექსპერიმენტს გვთავაზობენ და მათ შორის ბრიტანელი ანტ ჰამლინიცაა, რომელიც ახალი გამოფენით დაბრუნდა, ამჯერად ბერლინში. გამოფენას „ტერარიუმი” ეწოდება და ნამუშევრები დამზადებულია ქსოვილისგან.
გამოფენაზე წარმოდგენილია შუშის ქილებში მოთავსებული, ხელით შეკერილი ყვავილების მინიატურული სამყარო. არტისტს ამით ერთდროულად ცოცხალი და ხელოვნური სამყაროს წარმოჩენა სურდა. ყვავილების სილამაზე თან წინაა წამოწეული, თან თითქოს დაკარგულია. ეს კონტრასტები ჰამლინის ნამუშევრების სტილია, რომელიც ასახავს ადამიანის მოთხოვნილებას, შეინარჩუნოს მის გარშემო არსებული ნივთები, სილამაზე და შეაჩეროს დრო, თუმცა უმეტესობა, რასაც ადამიანი ქმნის, მაინც დროებითია.
