in

რა ხდის ლოგოს „ნორმალურს“?

გახსოვთ, მარტში Pepsi-მ ახალი ლოგო რომ გამოაქვეყნა და ბრენდის რედიზაინიც შემოგვთავაზა? როცა სახელწოდება თავისივე მრგვალ სიმბოლოში დაბრუნდა, ზუსტად ისე, როგორც 80-90-იანების თაობას ახსოვს. ეს ამბავი მრავალი ეპითეტით შეამკეს — ზოგი ამბობდა, როგორც იქნა, ნორმალურ მდგომარეობას დაუბრუნდაო, ზოგი უცნაურად თვლიდა, ზოგისთვის კი ძალიან მიმზიდველადაც გამოიყურებოდა. თუმცა რეალურად, რა აქცევს ლოგოს ჩვეულებრივად ან უცნაურად?

პეპსის შემთხვევაში წარსულში დაბრუნებას მაინც სწორ ქმედებად თვლიან, მაგრამ ცოტა უცნაურია, ბრენდინგის სამყაროში — ანუ იქ, სადაც დიფერენციაცია საბოლოო მიზნად არის მიჩნეული, ნორმალურობა ასე ძალიან რომ ფასდება. გამოდის, ბრენდინგშიც კი, სადაც ჩარჩოს მიღმა აზროვნებაა პრიორიტეტი, კვლავ არსებობს ყუთი, რომელიც სავსეა მოლოდინებითა და ნორმებით. ზოგჯერ ბრენდმა წესებიც უნდა დაიცვას, რათა სანდო, ლეგიტიმური და უბრალოდ ნორმალური” იყოს. მსგავსად, იმასაც კი ხსნიან, თუ რატომ არის NBA-ის ლოგოების 77%-ზე ბურთი გამოსახული… 

თუმცა თუ სხვა ბრენდებს შევადარებთ, ნაკლებად სავარაუდოა, რომ პეპსი ნორმალური ბრენდების ჩამონათვალში მოექცეს. Coca-Cola-სგან განსხვავებით, რომელიც ერთგვაროვანი ბრენდის სახით წარმოგვიდგება, პეპსი საკუთარ თავს აღწერს, როგორც ახალსა და განსხვავებულს, მაგრამ 2008 წლის ლოგოს დებიუტის შემდეგ ფიქრობდნენ, რომ მან ძალიან შორს შეტოპა… სპეციალისტებმა მაშინვე თქვეს, რომ ისინი ლოგოს 5 წელში შეცვლიდნენ და მართალია, ამას ცოტა უფრო მეტი დრო დასჭირდა, მაგრამ ფაქტი სახეზეა. 

საინტერესოა ისიც, რომ ზოგიერთი ბრენდი ძალიან უცნაურად იწყებს, შემდგომ კი ნელ-ნელა გადადის ჩვეულებრივისკენ. ასე იყო Apple-ის შემთხვევაშიც, 1976 წლის სავაჭრო ნიშანი, ისააკ ნიუტონის ილუსტრაცია ვაშლის ხის ქვეშ მალევე შეიცვალა ცისარტყელას ფერებიანი ლოგოთი, შემდგომ კი ხაზებიც გაქრა და დღევანდელი მონოქრომული ლოგო მივიღეთ. ზოგიერთი ბრენდი ამ უცნაურობიდან გადახვევას არც აპირებს, ასე იყო 2012 წლის ლონდონის ოლიმპიადის ლოგოს შემთხვევაში…

და რომელი მიდგომა ამართლებს? ამ კითხვაზე პასუხის გასაცემად აუცილებელია, ბრენდის ის ბუნება გავითვალისწინოთ, რომელსაც ლოგო წარმოადგენს. საბოლოოდ კი, არ აქვს გადამწყვეტი მნიშვნელობა, ბრენდი ჩვეულებრივი გზით განაგრძობს სვლას თუ უცნაურით. აშშ-ის პატენტებისა და სავაჭრო ნიშნების ოფისის მონაცემების თანახმად, ყველაზე უცნაურ ლოგოებს, საშუალოსთან შედარებით, გადარჩენის 19%-ით მეტი შანსი აქვს. ნორმალური” ლოგოების შემთხვევაში კი, ეს მაჩვენებელი 8%-ს უდრის. აქედან გამომდინარე, შეგვიძლია ვთქვათ, რომ როცა საქმე ლოგოს დიზაინს ეხება, ჯობს უცნაური ან ნორმალური იყოს, ვიდრე სადღაც ამ ორს შორის გაიჭედოს. 

წყარო: Fast Company

გადაიღე ყველაზე ფერადი კადრი „გლენმორანჯის“ ინსტაგრამ ფილტრით და დასაჩუქრდი!

სუფთა სახლში სტუდენტებისთვის კარიერული მენტორშიფის უნიკალური პროგრამა დაიწყო