ტექნოლოგიებზე სასაუბროდ სტუმრები, 1-2 ივნისს, Raddison Blu Iveria-ში შეიკრიბებიან. Spotlight Tech ორი დღის განმავლობაში ასეულობით სტუმარს გააერთიანებს. ღონისძიების მთავარი თემაა „გაკვეთილები“. Spotlight Tech პირველად 2018 წელს პირველად ჩატარდა, ხოლო თავად Spotlight ღონისძიებების ისტორია 11 წელს მოითვლის. 2013 წლიდან მოყოლებული, Spotlight-მა ჩამოაყალიბა მარკეტინგული პლატფორმა და იქცა ღონისძიებად, რომელიც აერთიანებს ინდუსტრიის პროფესიონალებს. ესაა სივრცე, რომელიც თავს უყრის ინდუსტრიის ასობით წარმომადგენელს და ერთმანეთში ცოდნისა თუ გამოცდილების გაზიარების საშუალებას აძლევს. 2018 წელს, პირველად ჩატარდა Spotlight Tech, რომელიც ტექნოლოგიებს მიეძღვნა. ღონისძიების მხარდამჭერია Rakuten Viber, რომლის გუნდიც Spotlight-თან გვესაუბრა.
M: უკვე არაერთი ღონისძიებაა, რაც Rakuten Viber მხარდაჭერას უცხადებს Spotlight-ს. რა ღირებულებებმა გაგაერთიანათ?
უკვე ორ წელზე მეტია, რაც Rakuten Viber საქართველოში ოფიციალურად ოპერირებს. მას შემდეგ, რაც წარმომადგენლობა საქართველოში შემოვიდა, მაქსიმალურად ვცდილობთ მჭიდრო კავშირი დავამყაროთ ქართულ კომპანიებთან და აუდიტორიასთან, რათა უკეთ გავიგოთ მათი საჭიროებები და ქვეყანაში შევქმნათ მჭიდრო კომუნა, რომელიც ყველა უახლეს ინოვაციურ თუ ტექნოლოგიურ მიღწევას გაიზიარებს.
Spotlight ციფრულ ინოვაციებსა და თანამშრომლობის ხელშეწყობაზე ფოკუსირება სრულყოფილად შეესაბამება Rakuten Viber-ის მისიას, გააძლიეროს ციფრული კომუნიკაციის გამოცდილება, მეტი მჭიდრო კავშირი შექმნას ინოვაციებისადმი და გაზარდოს მასში საზოგადოების ჩართულობა. Spotlight Tech-თან ზედიზედ მეორე წელია ვპარტნიორობთ. ამრიგად, მიზნად ვისახავთ გავაგრძელოთ ჩვენი კოლექტიური მისია, წინ წავიწიოთ ტექნოლოგიური საზოგადოება და შევიტანოთ წვლილი საქართველოს პროფესიონალურ სფეროში.
M: თქვენი შეფასებით, რა როლი აქვს Spotlight-ს ქვეყანაში მარკეტინგისა და ტექნოლოგიების განვითარების კუთხით?
Spotlight-მა ერთ-ერთი მთავარი როლი შეასრულა საქართველოში მარკეტინგული ტექნოლოგიებისა და ციფრული სფეროების განვითარებაში. Rakuten Viber გასულ წელს მონაწილეობდა კონფერენციაზე და დავინახეთ, რამდენად მნიშვნელოვანი პლატფორმაა ცოდნის გაცვლის თვალსაზრისით. ის აერთიანებს ინდუსტრიის ლიდერებს, ნოვატორებსა და ენთუზიასტებს. ღონისძიება ხელს უწყობს ინოვაციებისა და უწყვეტი სწავლის კულტურას, რაც გადამწყვეტია ამ სფეროების ზრდისთვის.
Spotlight-ის ორიენტირი თანამშრომლობასა და კომუნიკაციაზე პროფესიონალებს საშუალებას აძლევს მჭიდრო კავშირი დაამყარონ, მოუსმინონ საუკეთესო ადგილობრივ და გლობალურ ექსპერტებს და განავითარონ ახალი იდეები, რომლებიც ინდუსტრიას მიუძღვის წინ. მან ასევე საფუძველი ჩაუყარა სცენას ადგილობრივი ტალანტებისთვის, რითაც მათ ხილვადობასა და აღიარებას შეუწყო ხელი. ეს კი მთლიანობაში, ციფრული და ტექნოლოგიური საზოგადოების ჩამოყალიბებას ემსახურება.
M: მოგეხსენებათ Spotlight Tech გაიმართება 1-2 ივნისს, მთავარი თემით “გაკვეთილები”. რა მოლოდინი გაქვთ ღონისძიებასთან დაკავშირებით?
დიდი ინტერესით ველით Spotlight Tech 2024-ს, იმ ინსაითებსა და დისკუსიებს, რაც უკავშირდება მთავარ თემას „გაკვეთილები“. გვჯერა, რომ ღირებულ ცოდნას მივიღებთ ინდუსტრიის ლიდერებისა და ინოვატორებისგან, რომლებიც თავიანთ გამოცდილებაზე მოგვიყვებიან. ველით, რომ ეს ახალი ცოდნა სხვადასხვა კომპანიისა და მონაწილისთვის ციფრული კომუნიკაციების გაუმჯობესების საწინდარი იქნება.
ნეთვორქინგი კიდევ ერთი უმნიშვნელოვანესი ნაწილია, რასაც Spotlight-ზე ველით – შეხვედრას პროფესიონალებთან, აზრების, იდეების გაცვლას და ახალ თანამშრომლობას.
Spotlight Tech 2024-ის წარმდგენია საქართველოს ბანკი
გენერალური პარტნიორი: eTeam
ოქროს სპონსორი: Alta – Honor
ვერცხლის სპონსორები: Bolt, Wolt, Coinmania
ღონისძიების ოფიციალური ავტომობილი: Porsche
მხარდამჭერები: ლურჯი ოკეანე, LionTrans, ავერსი, It აკადემია Step, Navne, Lutecia, Develor Georgia, Viber, ACT, Silk Hospitality.
