13
Nov
2019

Facebook-ის ხელმძღვანელობას, თანამშრომლები, რასიზმში ადანაშაულებენ

13 Nov 2019

Facebook-ის ტექნიკური განყოფილების თანამშრომელთა ანონიმურმა ჯგუფმა ღია წერილი გაავრცელა, სადაც ნათქვამია, რომ კომპანიაში რასისტული მიდგომები არ შეცვლილა – დაახლოებით, ერთი წლის წინ, სოციალური ქსელის ყოფილმა მენეჯერმა, Facebook დაადანაშაულა, რომ კომპანიაში ფერადკანიანი ადამიანების მიმართ პრობლემები ჰქონდათ და ამტკიცებდა, რომ თანამშრომლები სამსახურიდან მტრული კულტურის გავრცელების ბრალდებით გაუშვა, სინამდვილეში, გადამწყვეტი მათი კანის ფერი იყო. ახალ წერილში კი ნათქვამია, რომ ეს საკითხები არა თუ მოგვარდა, არამედ, დღეს, უფრო მწვავედ დგას კომპანიაში.  ამის შესახებ ინფორმაციას გამოცემა Guardian ავრცელებს.

Photo Credit: Guardian

„რასიზმი, დისკრიმინაცია, მიკერძოებული მოპყრობა, აგრესია უცხო არ არის. კერძოდ, ეს გამოიხატება თითქოს მცირე და უმნიშვნელო ქმედებებში, მაგრამ დროთა განმავლობაში, ყველაფერი ერთმანეთს ემატება და ერთგვარ კულტურაში გადაიზრდება, სადაც როგორც კვოტებს ისე აღგვიქვამენ, არასოდეს გვისმენენ, არასოდეს გვაღიარებენ და არასოდეს გვიღებენ“, – ნათქვამია წერილში.

ტექსტში, რომელიც რამდენიმე დღის წინ გამოცემა Medium-ში გამოქვეყნდა, საუბარია ხელმძღვანელობის მხრიდან დისკრიმინაციასა და მტრულ მოპყრობაზე 12 მიმდინარე და ყოფილი თანამშრომლის მიმართ. მათ შორის, საუბრობენ გუნდის ფერადკანიანი და ლათინოამერიკელი წევრები, ჰყვებიან, როგორ ეპყრობოდნენ მათ კომპანიაში.

Guardian-ის ინფორმაციით, როგორც Facebook-ის პროგრამის ერთ-ერთი მენეჯერი ამბობს, ორმა თეთრკანიანმა თანამშრომელმა უთხრა, რომ საუზმის შემდეგ, არეული სივრცე დაელაგებინათ. როცა, ამ ტექსტით შეურაცხყოფილებმა, მომხდარი, ხელმძღვანელობას უამბეს, უფროსმა მხოლოდ ის უთხრა, რომ თანამშრომლებმა „უფრო პროფესიონალურად უნდა ჩაიცვან“. მეორე კი ყვება, რომ უფროსი და კოლეგები ქედმაღლურად და აგრესიულად მხოლოდ იმიტომ ესაუბრებოდნენ, რომ თეთრკანიანი თანამშრომლებისგან განსხვავებული მოსაზრებები ჰქონდათ.

[ჩვენ] ნაწყენები, გაბრაზებულები, დამცირებულები და დაჩაგრულები ვართ. ყოველ დღე განვიცდით დიდ თუ პატარა აგრესიულ „თავდასხმებს“.

Guardian-მა, ბუნებრივია, ინფორმაციის გადამოწმება გადაწყვიტა.

„არავინ, არც Facebook-ში და არც სხვა კომპანიაში, არ უნდა შეურიგდეს ასეთ დამოკიდებულებას. ძალიან ვწუხვართ. ეს ყველა იმ ზღვარს სცილდება, რაც კომპანიაში გვაქვს. ჩვენ ვუსმენთ [თანამშრომელს] და ვმუშაობთ, რომ უკეთესები გავხდეთ“, – წერილობით აცნობა გამოცემას  Facebook-ის კორპორაციული კომუნიკაციების მიმართულების ვიცე-პრეზიდენტმა ბერტი ტომპსონმა.

განხილვა