ბრენდირებული სერვისის პროვაიდერები ხშირად აწყდებიან ასეთ სამწუხარო სცენარს: წარმატებული პროექტი სრულდება, მონაწილეები აღელვებულები, შთაგონებულები და ენერგიით სავსენი არიან. ფერთა პალიტრა შესანიშნავია, ლოგო თამამი და გამორჩეულია. ბრენდბუქიც ზედმიწევნითაა შედგენილი… ბოლო მომენტში კი დამკვეთი ერთ საშინელ კითხვას სვამს, რომელსაც არცერთი დიზაინერი, სტრატეგი ან ქოფირაითერი არ ელის: „მაგრამ, როგორ გამოვიყენო ეს ყველაფერი?!“
მოთხოვნის მიღმა მრავალი შედეგი არსებობს. დიზაინერის თავში კი მრავალი კითხვა ტრიალებს: „რაღაც არასწორად ავუხსენი?“ „კარიერის შეცვლაზე უნდა დავფიქრდე?“ „ალბათ, ხუმრობენ ხომ?!“ უმეტეს შემთხვევაში, საქმე არც ერთ მათგანს არ ეხება. კლიენტების უმეტესობას ბრენდის იდენტობის კონცეფცია საკმარისად კარგად არ ესმის იმისათვის, რომ დიდი პოტენციალი გააცნობიერონ.
ბიზნესის მფლობელები, როგორც წესი, გულგრილად უყურებენ ბრენდინგის, გრაფიკული დიზაინისა და მარკეტინგის კონსულტანტებს, არ იციან ზუსტად რა სჭირდებათ და ვისგან. ისინი ითხოვენ, „ცოტა ხელი შეავლო ვებგვერდს“, „დაეხმარონ ინსტაგრამის კონტენტში“. იმედოვნებენ, რომ ამ რთული პროცესის რაღაც მომენტში ისინი წააწყდებიან სწორ ადამიანს — ისეთს, ვინც პროფესიონალურად შეაფასებს მათ მდგომარეობას და გაუძღვება მათ. რიგ შემთხვევებში კი სერვისის პროვაიდერები ვერ ახერხებენ არსებული პრობლემების ადეკვატურად შეფასებას და მხარდაჭერას. შესაბამისად, ისინი უბრალო დოკუმენტებს არ სცილდებიან და არაფერი იციან ბრენდინგის შესახებ — ამიტომაც ხდება, რომ პროექტის დასასრულს დამკვეთმა არ იცის, რაში გამოიყენოს ეს ყველაფერი.
დიდი სურათი
იმისათვის, რომ მათ თანმიმდევრული ბრენდის იდენტობის მნიშვნელობის გაცნობიერებაში დაეხმაროთ, ჯერ საწყისი წერტილები უნდა დაანახოთ. შესაძლოა, ეს თქვენთვის საკმაოდ აშკარა იყოს, მაგრამ ბევრ პროფესიონალს არასოდეს უფიქრია იმის რეალურ პოტენციალზე, რასაც აკეთებენ.
ბრენდი ცოცხალი, სამგანზომილებიანი რამ არის, პოტენციალით სავსე. მას შეუძლია, ქცევებად, ცნებებად, პროდუქტებად და გამოცდილებად გარდაიქმნას. ზოგიერთ ბრენდს სხვების ცხოვრების თუ ბიზნესის სამუდამოდ შეცვლის დიდი პოტენციალი აქვს და თუ ამას ბრენდინგის დროს გააცნობიერებთ, მომხმარებლების დამოკიდებულებას აშკარად შეცვლით ბრენდინგის აქტივების მიმართ. თქვენ შეგიძლიათ გააუმჯობესოთ პროცესები და სერვისები, რათა ცვლილებები მრავალი გზით განახორციელოთ.
შეგიძლიათ, ამ ნაბიჯებს მიჰყვეთ:
შესავალი სემინარი: პროექტის დასაწყისში სასწავლო სესია ჩაატარეთ, რათა ბრენდის და მისი ბრენდინგის უფრო დიდი სურათი წარმოაჩინოთ. ახსენით, როგორ და რატომ არის ბრენდინგი ბიზნესის ცენტრში. ასევე, დამკვეთი მუდმივად მთელი ამ პროცესის ცენტრში ამყოფეთ — ეს მას აიძულებს, მეტი ყურადღება მიაქციოს თითოეულ დეტალს და მეტად ჩართული იყოს ყველაფერში.
მეტი (ხარისხიანი) შეხვედრა: გამოიყენეთ შეხვედრები თქვენი კლიენტის მხარდასაჭერად და დასახმარებლად, რომ ყველა ეტაპში ადვილად გაერკვეს. მნიშვნელოვანია, ნებისმიერ შეკითხვას უპასუხოთ და ყველანაირი შეშფოთებისთვის იყოთ მზად, რომელიც შეიძლება ბრენდინგის პროცესში წარმოიშვას. დარწმუნდით, რომ სესიებს სწორ დროს ატარებთ სესიებს, საჭიროების შემთხვევაში კი დამატებით შეხვედრებსაც ნიშნავთ. ამასთანავე, განსაზღვრეთ, დამკვეთი პირისპირ კომუნიკაციას ამჯობინებს თუ წერილობითს?
მთლიანობაში, შეხვედრების საერთო რაოდენობა უნდა განსხვავდებოდეს გარემოებების მიხედვით.
მკაფიო ახსნა: წარმოიდგინეთ, როგორი იქნებოდა ტექნიკური ჟარგონებით სავსე დოკუმენტის მიღება უცნობ თემაზე. ამის გათვალისწინებით, გადააფასეთ თქვენი მომსახურების მთელი გამოცდილება; გადაწერეთ განმარტებითი და დამხმარე შინაარსი, რათა ის მაქსიმალურად სასარგებლო იყოს. რა არის ბრენდის არსი? როგორ შეგიძლიათ უფრო კარგად აღწერო? რატომ არის სასარგებლო ბრენდის მიზნის განსაზღვრა? შეეცადეთ ახსნათ ყველაფერი მარტივი და ხელმისაწვდომი ენით.
ოცნების ბრენდბუქი: ანალოგიურად, გადააკეთეთ თქვენი ბრენდბუქი (ბრენდის რეკომენდაციები, სტილის გზამკვლევი და ა. შ.), რათა ის მომხმარებლის შესაბამისი სახელმძღვანელო გახდეს. ამ დოკუმენტმა უნდა მისცეს თქვენს კლიენტებს უფლება, სრულად ისარგებლონ თავიანთი ახალი აქტივებით.
დოზის გადაჭარბების მაგალითი: კომპონენტები, რომლებიც ბრენდის სტრატეგიას ქმნის, ზოგჯერ შეიძლება ცოტა აბსტრაქტული და რთული გასაგები იყოს. ჩართეთ მრავალი პრაქტიკული მაგალითი, რომელიც ასახავს მათ მნიშვნელობას და იმ გარემოებებს, რომლებშიც ეს ელემენტები სასარგებლოა.
საბოლოო მიზანი
როდესაც იცით, რა ნიშნები უნდა მოძებნოთ, შედარებით ადვილია იმის თქმა, დასრულებულია თუ არა თქვენი სამუშაო. როდესაც პროექტი მთავრდება, თქვენი კლიენტი უფრო აღფრთოვანებული უნდა იყოს, ვიდრე დაბნეული. თუ ის ისეთ კითხვებს სვამს, რომლებიც გაუგებრობას უკავშირდება, ალბათ, ცოტა მეტი სამუშაო გაქვთ…
თუმცა ნიადაგის შესამოწმებლად ყველაზე მნიშვნელოვანი შესაძლებლობა ცოტა შორს არის. პროექტის დასრულებიდან რამდენიმე თვეში შეძლებთ ნახოთ, რას აკეთებენ ისინი რეალურად თავიანთ ბრენდთან: აქტივებით სრულად სარგებლობენ? იყენებენ მათ შემოქმედებითად?
