მიუხედავად იმისა, რომ VELI.store დაახლოებით 1 წელია არსებობს, მან მომხმარებლების სიყვარული უკვე დაიმსახურა და თიბისის ბიზნეს დაჯილდოებაში „საუკეთესო სამომხმარებლო გამოცდილებისთვის” ჯილდოც მიიღო. ეს კომპანიის მომხმარებელზე ორიენტირებული მიდგომისა და ყოველდღიური კვლევის შედეგია.
VELI მომხმარებელს ალბათ იმ გზის გამო მოსწონს, რომელსაც ვებგვერდზე შესვლიდან ამანათის მიღებამდე გადის. გამართული და ნებისმიერ ადამიანზე მორგებული ინტერფეისი, ნავიგაცია, მოხერხებული სისტემა და ამანათის დროულად და ხარისხიანად მიღება მომხმარებლისთვის ძალიან მნიშვნელოვანია. გარდა ამისა, კომპანია ხშირად ცდილობს მოახდინოს ე.წ. WOW ეფექტი, რაც განსაკუთრებულ და პერსონიფიცირებულ შეთავაზებებს გულისხმობს.
და მაინც, რატომ უყვარს მომხმარებელს Veli? ამაზე უფრო ვრცლად, ნინი ჩაჩანიძესთან ერთად ვისაუბრებთ, რომელიც მომხმარებელთან ურთიერთობის ხელმძღვანელია კომპანიაში.
M: ნინი, პირველ რიგში, მოგვიყევით, რა ტიპის wow შეთავაზებებს უმზადებს ხოლმე veli მომხმარებელს?
Wowing-ის შექმნის მაგალითებია:
პერსონიფიცირებული შეთავაზებები – მონაცემების გამოყენებით თითოეულ მომხმარებელს ვსწავლობთ, ვიკვლევთ მათ ქცევას, ინტერესებსა და სურვილებს. ამ ანალიზზე დაყრდნობით კი მათზე მორგებულ შეთავაზებებს ვუკეთებთ.
New way of delivery – ნებისმიერი ღირებულების შეკვეთის უფასოდ, თბილისის მასშტაბით 3 საათში მიწოდება, შეკვეთის მიღების დროის თავისუფალი არჩევანი, დაზოგილი დროის დათვლის ფუნქციონალი, მიწოდების თრექინგი.
მოულოდნელი სიურპრიზები – ყველაზე დასამახსოვრებელი ჩვენთვისაც და მომხმარებლებისთვისაც სიურპრიზებია. მაგალითად, ახალი წლების პერიოდში ყველა შეკვეთაში მოვათავსეთ საახალწლო განათებები, რომლებიც ძალიან ბევრ მომხმარებელს დღემდე შენახული აქვს და ახსოვს.
როცა თიბისის ბიზნეს დაჯილდოებაში საუკეთესო სამომხმარებლო გამოცდილების ჯილდო მივიღეთ, ჩვენს მომხმარებლებს ერთი დღით 50ლ ვაუჩერი ვაჩუქეთ მადლობის ნიშნად, რომელიც მათ აგრძნობინებდა, რომ ჩვენ ერთად ვქმნით საუკეთესო ონლაინ შოპინგის გამოცდილებას.
14 თებერვალს ჩვენი ხელით დამზადებული გულები ვაჩუქეთ, დედების დღეს კი ქოთნის ყვავილები გავატანეთ შეკვეთებს. ამ აქტივობებით ჩვენ ვცდილობთ პოზიტიური ემოციური კავშირი გავაჩინოთ ველსა და მომხმარებლებს შორის და დამამახსოვრებელი გავხადოთ ჩვენთან შოპინგის გამოცდილება.
M: როგორ და რაზე დაყრდნობით მუშავდება veli-ში ეს შეთავაზებები, რას ითვალისწინებს გუნდი?
ველიში ნებისმიერი შეთავაზება, სიახლე თუ ახალი ფიჩერის დანერგვა მომხმარებლის საჭიროებებზეა ორიენტირებული. ჩვენ ხშირად ვესაუბრებით მომხმარებლებს, ვიკვლევთ მათ სურვილებს, მონაცემების გამოყენებით ვაანალიზებთ მათ ქცევებს და შემდეგ ამ ყველაფრის სინთეზით ვადგენთ, თუ რა სიახლე ან გაუმჯობესება უნდა შევთავაზოთ, რომ გავუმარტივოთ ონლაინ შოპინგის გამოცდილება.
ამის კარგი მაგალითი საჩუქრების სერვისია. ჩვენ დავაიდენტიფიცირეთ, რომ საჩუქრის ჩუქებისას მომხმარებლებს გაუმარტივდებოდათ, თუ ექნებოდათ სივრცე, სადაც მარტივად აარჩევდნენ, შეფუთავდნენ და მისალოცი ბარათით გაუგზავნიდნენ საჩუქარს ადრესატს. დღეს ეს სერვისი დიდი პოპულარობით სარგებლობს და უამრავ მომხმარებელს უზოგავს დროს.
M: თქვენს რომელ აქტივობებს ჰქონდა ყველაზე დიდი გამოხმაურება მომხმარებლისგან?
ყველაზე დიდი გამოხმაურება აქვს მოულოდნელ სიურპრიზებს, მიტანის დროის არჩევას, უფასო მიტანას 3 საათში და ბოლოს, პროდუქტის დაბრუნება გადაცვლის მარტივ პროცესს.
მაგალითად, პირველად საახალწლო განათებების მომხმარებლებისთვის მოულოდნელად ჩუქება 2021 წელს გადავწყვიტეთ, როცა პირველად შემოვედით ბაზარზე. მახსოვს, ზაფხულში ერთ-ერთ მომხმარებელს ვესაუბრებოდი ინტერვიუზე და ემოციით მიყვებოდა, თუ როგორ გაუხარდა და დღემდე ახსოვს, ყუთი რომ მიიღო და განათებული პროდუქტი დაინახა.
M: როგორ აფასებენ მომხმარებლები ველის ამ აქტივობებს, რა უკუკავშირს იღებთ მათგან?
მომხმარებლებისგან ძალიან თბილ და დადებით შეფასებებს ვიღებთ. სოციალურ ქსელში თუ კვლევებში დაფიქსირებულ უკუკავშირებს რომ ვაანალიზებთ, დიდ სიყვარულს ვიღებთ, რაც ძალიან გვახარებს და გუნდს კიდევ უფრო მეტ შემართებას გვაძლევს, რომ არ გავჩერდეთ და უფრო მეტი სიახლე შევთავაზოთ ჩვენს მომხმარებლებს.
