19 ივლისიდან Radisson RED ეზოში გემოვნებიანი მუსიკის, კოქტეილებისა და გართობის მოყვარულებისთვის RED STAGE ივენთების სერია გაიმართება. ყოველ პარასკევს RED სცენას გამორჩეული არტისტები დაიკავებენ.
RED STAGE კონცეპტის გზით თბილისს კიდევ ერთი თანამედროვე და დინამიკური სივრცე შეემატა, რომელიც ადამიანებს მუსიკის გარშემო გააერთიანებს.
„თითოეული ივენთისთვის არტისტები გულდასმით იქნება შერჩეული, რათა აქ მოსულ სტუმრებს საუკეთესო გამოცდილება შევთავაზოთ და დავახვედროთ გარემო, სადაც მათ კიდევ მოუნდებათ მოსვლა. რედისონ რედის ეზოს კონცეფციის წყალობით სტუმრებს აქაური ვაიბები ერთი ნახვით უყვარდებათ. შეგვიძლია თამამად ვთქვათ, რომ RED ეზო უნიკალური ადგილია და მას თბილისში ანალოგი არ აქვს. ეს არის სივრცე, სადაც იდეალურად არის შერწყმული თბილისური ვაიბები თანამედროვე, ურბანულ რიტმებთან, რაც საუკეთესო დროის გატარების ერთ-ერთი მნიშვნელოვანი წინაპირობაა“, — ბესო გოგინავა, Radisson RED Tbilisi-ს მარკეტინგის დირექტორი.
თუმცა ეს ყველაფერი არ არის. 17 ივლისიდან გემოვნებიანი მუსიკის მოსმენა Radisson RED-ის სტუმრებს უკვე შუა კვირაშიც შეეძლებათ და ამისთვის უქმეებამდე ლოდინი არ მოუწევთ. RED ეზოში ყოველ ოთხშაბათს მუსიკალური საღამოები მოეწყობა.
მუსიკალური ივენთების სეზონი Radisson RED-მა 28 და 29 ივნისს გახსნა, რომელმაც სრული ანშლაგით ჩაიარა. ორივე დღეს ზაფხულის ფესტს 1000-მდე ადამიანი დაესწრო, რომელთა წინაშეც სხვადასხვა სანახაობასთან ერთად სცენაზე: ლიოსა და ილას დუეტი; ბაჩო ჯიქიძე და ესთეტი ბიჭები; Roma J; Frankie და Haverdi წარდგნენ.
[R]
