Reddit-ის მომხმარებლებისთვის პერსონაჟად ქცეული მეგობრული უცხოპლანეტელი, სახელად Snoo, საკმაოდ პოპულარულია. უკვე დიდი ხანია, ე. წ. ანტენიანი თავი პლატფორმის განუყრელ ნაწილად იქცა — 2005 წლის შემდეგ კი პირველად გადაწყვიტეს ვიზუალური იდენტობის შეცვლა. თანაც რედიზაინამდე მის ბიბლიოთეკაში 100-ზე მეტი ფერი და Snoo-ს ათასობით ვერსია იყო მიმოქცევაში.
დიზაინ სტუდია Pentagram-მა კი მასშტაბურ განახლებაზე იზრუნა. ძირითად კონცეფციად რედიტის, როგორც „ინტერნეტის გულის“ იდეა აიღეს — ფიქრობენ, რომ ეს სრულიად ადეკვატური აღწერაა, ვინაიდან პლატფორმა საზოგადოების თითქმის ყველა აზრს, ინტერესს თუ ნიშას ითვალისწინებს.
ამასთან, სტრატეგიის გათვალისწინებით, იდენტობა ეყრდნობა ოთხ მახასიათებელს: „არსებითად ეკლექტიკური“, „დადებითად განსხვავებული“, „საოცრად აბსურდული“ და „ნამდვილად გულწრფელი“. ყველაზე შესამჩნევი ევოლუცია არის თავად Snoo, რომელიც 3D პერსონაჟად იქცა.
განახლების ფარგლებში შეიმუშავეს ახალი „სიტყვანიშანიც“, რომელიც ახალ Reddit Display შრიფტზეა მორგებული.
