in

როგორ გვესმის პროდუქტიულობა ჰიბრიდულ ეპოქაში?

სამსახურსა და პირად ცხოვრებას შორის არასოდეს ყოფილა მკაფიო საზღვარი. როდესაც სამსახურში ვართ, შესაძლოა, საკუთარ შვილებს ვესაუბრებოდეთ ტელეფონით ან სახლში მისულები კვლავაც ვპასუხობდეთ საქმიან მიმოწერებს. როგორც ამბობენ, საჭიროება გამოგონებას ბადებს, ხოლო მცდელობას დაარეგულიროთ სამსახური და პირადი ცხოვრება არაერთ აღმოჩენამდე შეუძლია მიგიყვანოთ. მაგალითად, სანამ პროდუქტიულობის კვლევა უფრო მეტად მიმართულია ყურადღების გამფანტველი ფაქტორების შესწავლაზე, დავფიქრდეთ, როგორ გამოვიყენოთ ყოველდღიური მიკრო-მომენტები პროდუქტიულად. Microsoft-ის უფროსი მეცნიერი ჯეიმი ტივანი ამ დაკვირვებამ ამოცანების მიკროამოცანებად დაყოფამდე მიიყვანა, რათა მუშაობის არსებული ფრაგმენტული სტილისთვის მოერგო. შედეგად, მიიღო მიკროპროდუქტიულობის კონცეფცია, რომლის საშუალებითაც Microsoft-ში პროდუქტიულობის გაგება მნიშვნელოვნად გააფართოვა.

pasha-statiebi
pasha-statiebi

2020 წლის მარტში, როდესაც პანდემიის გამოცხადებამ სამსახურსა და პირად ცხოვრებას შორის ზღვარი სრულიად წაშალა – Microsoft-მა თანამშრომლებს სახლიდან მუშაობის საშუალება მისცა. დადგა დრო, როდესაც პროდუქტიულობის გაგება თავიდან უნდა შესწავლილიყო. Microsoft-ის, LinkedIn-ის, GitHub-ის ასობით მკვლევარი Microsoft-ის ისტორიაში ყველაზე მასშტაბური ინიციატივის გარშემო გაერთიანდა, რომელსაც New Future of Work-ის სახელით იხსენიებენ. 1.5-წლიანი კვლევის მიუხედავად თითქმის შეუძლებელია წინასწარ განსაზღვრო, როგორი იქნება მსოფლიო არათუ რამდენიმე წლის, არამედ, რამდენიმე თვის შემდეგაც კი.

როგორია პროდუქტიულობის ახალი განსაზღვრება?

იმ ადამიანების პროდუქტიულობის გაზომვა, ვინც ინფორმაციასთან მუშაობს, ძნელია, თუმცა მკვლევრებმა მონაცემთა ორი საკვანძო ტიპი მაინც გამოარჩიეს: ერთი მხრივ, ესაა თანამშრომლების რეპორტების მიხედვით შეგროვებული მონაცემები და მეორე მხრივ, თანამშრომელთა აქტიურობის მონაცემები. როდესაც კომპანიები პირველად გადავიდნენ დისტანციურ მუშაობაზე, ბევრი გააკვირვა იმ ფაქტმა, რომ პროდუქტიულობის მაჩვენებელი არ შემცირებულა. მაგალითად, პანდემიის დაწყებიდან ერთი წლის შემდეგ, Microsoft’s Work Trend Index-ის გამოკითხვამ აჩვენა, რომ პროდუქტიულობის თვითშეფასება 30,000-ზე მეტ გლობალურ თანამშრომელში კვლავაც მაღალი იყო. პროდუქტიულობს ზრდა აქტიურობის მონაცემებმაც აჩვენა. თუმცა თუკი მეტრიკას უკეთ დავაკვირდებით, დავინახავთ, რომ თანამშრომლების დიდი ნაწილი სამუშაოს უფრო მეტ დროს უთმობდა და გადაწყვისა და გადაღლის ხარჯზე მუშაობდა.

ამავდროულად, დაიკარგა უამრავი ბენეფიტი, რაც ოფისურ ცხოვრებას ახლდა. კვლევის მონაწილეებმა განაცხადეს, რომ უჭირდათ ბრეინსტორმინგში დისტანციურად მონაწილეობა. ბევრს კოლეგებთან დისტანცირება აწუხებდა.

კვლევებმა აჩვენა, რომ პროდუქტიულობის მარტივი მექანიზმით გაზომვა არ კმარა, მით უფრო, როდესაც საქმე ჰიბრიდულ სამუშაო რეჟიმს ეხება. კვლევაზე დაყრდნობით, მეცნიერები გვირჩევენ, თუ როგორ შეუძლიათ მენეჯერებს ჰიბრიდულ სამყაროში ისეთი პროდუქტიულობის შენარჩუნება, რომელიც თანამშრომელთა კეთილდღეობას, გუნდურობასა და ინოვაციურობას მოიცავს.

კეთილდღეობა

გადაწვის მიუხედავად, რომელსაც უამრავი ჩვენგანი განიცდის, ჰიბრიდული სამუშაო გარემო სამუშაოსადმი უფრო მდგრადი მიდგომის შესაძლებლობას გულისხმობს. თავიანთი უპირატესობა და მინუსები აქვს დისტანციურად მუშაობასაც და ოფისში სიარულსაც. შესაბამისად, სხვადასხვანაირია შედეგები. ოფისში ყოფნისას, პრიორიტეტი მიანიჭეთ ურთიერთობებსა და გუნდურ მუშაობას. სახლიდან მუშაობისას – თანამშრომლებს უბიძგეთ პრიორიტეტებში ოჯახთან ურთიერთობა, ფიტნესი ან ჰობი შეიყვანონ. ასევე, სასარგებლოა, თუ ცოტა ხანს ჩათვლემენ კიდეც ან ფეხით გაისეირნებენ, შეხვედრებს შორის. ტვინის კვლევები გვიჩვენებს, რომ 5-წუთიან შესვენებებსაც კი შეუძლია გონების გასუფთავება და სტრესისგან განთავისუფლება. მიაჩვიეთ, რომ მუდმივად არ იმუშავონ სახლში ყოფნისას.

მოხერხებულობა ისაა, რომ იპოვოთ საშუალება, რაც ყოველი ადამიანის შემთხვევაში მუშაობს. ინდივიდუალური განსხვავება კი უამრავია. ადამიანებს სხვადასხვანაირი გამოცდილება აქვთ, კომპანიაში მუშაობის ხანგრძლივობიდან, საცხოვრებელი ადგილიდან, სატყლიდან, რასიდან თუ ფუნქციიდან გამომდინარე. მომდევნო რამდენიმე თვის განმავლობაში, ადამიანებს სთხოვეთ დაფიქრდნენ როდის და სად გრძნობენ თავს ყველაზე მეტად/ნაკლებად პროდუქტიულად.

კოლაბორაცია

Microsoft-ში, ყველაზე დიდი მიზეზი, რის გამოც, თანამშრომლებს ოფისში დაბრუნება უნდათ, კოლაბორაცია და სოციალური კავშირებია. ჰიბრიდული სამუშაო გარემოს პროდუქტიულობის გასაღები ინდივიდუალურ სამუშაო სტილსა და გუნდის საჭიროებებს შორის კომპრომისის მოძებნაა. Microsoft-ში გუნდის წევრებს სთხოვენ შექმნან გუნდური ნორმები, რომლებიც განსაზღვრავენ ჰიბრიდულ გარემოში მათ ერთობლივ მუშაობას. შეუძლიათ დაწერონ, რა პირობებში მუშაობენ საუკეთესოდ – დაგეგმონ დღეები, როცა საერთოდ არ ექნებათ შეხვედრები ან ექნებათ ცოცხალი შეხვედრა. იმისათვის, რომ ერთი თანამშრომლისთვის კომფორტული სამუშაო მექანიზმი მეორეს არ აზარალებდეს.

ასევე, მნიშვნელოვანია, რომ ჰიბრიდული შეხვედრები იყოს ინკლუზიული და მიზანმიმართული. ეცადეთ, მაქსიმალურად ჩართოთ მონაწილე მხარეები, მისცეთ საკუთარი პოზიციის დაფიქსირების საშუალება.

შესაძლოა, პროდუქტიულობის „ძველი სტილის“ მიხედვით, ყოველივე ზემოხსენებული არასაჭიროდ მიიჩნიოთ, თუმცა, ახლებური მიდგომით, ეს ძალიან საჭირო ფაქტორებია.

ინოვაცია

ინოვაციის უმარტივეს გაგებად ადამიანებს ხშირად მიაჩნიათ ერთად შეკრება, მსჯელობა, იდეის პროტოტიპირება, გადაწყვეტების ბრეინსტორმინგი, რაც ყურადღებისა და ფიქრის ბალანსის დაცვით კეთდება. თუკი სწორად გაანაწილებთ რესურსებს, ეფექტის მიღწევა ჰიბრიდულად მუშაობისასაც შეგიძლიათ. არასწორად მოქმედების შემთხვევაში კი, სოციალურ ურთიერთობებს ინოვაციაზე უარყოფითი ეფექტის მოხდენა შეუძლია. პირველ რიგში, იფიქრეთ, როგორი საქმის კეთებაა შესაძლებელი დისტანციურად.

ეცადეთ, ახალ ადამიანებს პირადად შეხვდეთ. გუნდის შეკრებისას და ახალი თანამშრომლების წასახალისებლად, ეს განსაკუთრებით მნიშვნელოვანია ფუნდამენტური სოციალური ურთიერთობებისთვის, რაც შემდეგ, დისტანციურად მუშაობისას ძალიან წაადგებათ.

წაახალისეთ გუნდი იურთიერთონ ადამიანებთან სამსახურის წრის გარეთ. ეს ინოვაციისთვის განსაკუთრებით მნიშვნელოვანია, რადგან ახალ ინფორმაციასთან და ხედვასთან უწევთ შეხება და შესაძლებლობებს ბევრად მარტივად ხედავენ.

ბევრი რამ, დღეს, კვლავაც ბუნდოვანია. რთულია, განვსაზღვროთ რა გველის მომავალში, ამიტომ მნიშვნელოვანია თქვენი ჩართულობა. ჰიბრიდულ მოდელზე გადასვლასთან ერთად, Microsoft პროდუქტიულობის ახალ, უფრო ფართო გაგებას გამოიყენებს და სწორედ ამ მიდგომის შედეგი იქნება ახალი ინსტრუმენტები, რითაც მსოფლიოში მილიარდი ადამიანი სარგებლობს.

 

წყარო: HBR



Microsoft საშუალებას გაძლევთ, პაროლებზე უარი თქვათ!

ფრანგი ხელოვანი მიტოვებულ შენობებს შემოქმედებისთვის იყენებს