Renault და სააგენტო Publicis, ერთობლივი სარეკლამო კამპანიის ფარგლებში, მორიგ ვიდეორგოლსა და სახალისო ისტორიას გვთავაზობს. რიგით მესამე ვიდეო ცხოვრების იმ მოულოდნელობებზე მოგვითხრობს, რომლებმაც შესაძლოა სრულ გაოგნებამდე და კონტროლის დაკარგვამდე მიგვიყვანოს, თანაც ეს ისეთ კრიტიკულ ვითარებაში მოხდეს, როგორიც ავტომობილის მართვის პროცესია. თუმცა, Renault კიდევ ერთხელ უსვამს ხაზს, რომ ის სწორედ მსგავსი შემთხვევებისთვისაა. ახალი მოდელები, აღჭურვილი თანამედროვე ტექნოლოგიითა და უსაფრთხოების უახლესი სისტემით, ნებისმიერ ვითარებას მძღოლის გარეშეც მშვენივრად გაართმევენ თავს.
