არსებული მდგომარეობის გამო დაწესებული შეზღუდვების ფონზე, Resigner Studio-მ გადაწყვიტა, თავად შეექმნა წარმოსახვითი სამყარო, სადაც რეალობა და ოცნება ერთმანეთშია შერწყმული. პასტელური ფერები, თითქმის ნამდვილი, მაგრამ მაინც საოცნებო ლანდშაფტები ფაქტობრივად სულ სხვა განზომილებაში გადაასახლებს დამთვალიერებელს. ამ ვიზუალების შექმნისას Resigner Studio-ს მიზანი იყო ის, რომ საზოგადოებისთვის გაეხსენებინა, თუკი გარესამყაროს ვერ ვათვალიერებთ ამ პერიოდში ისე, როგორც გვსურს, გავიხსენოთ, რომ ჩვენი შინაგანი სამყაროც ამგვარადვე ლამაზი და უნიკალურია.
