რიკი და მორტი აქტუალობას არ კარგავენ, ისინი თბილისის ქუჩებშიც კი ვნახეთ, რომ აღარაფერი ვთქვათ Adidas-ის სარეკლამო კამპანიაზე, სადაც მორტის ჯადოსნური ბოტასები აცვია… ახლა კი ვიდეო თამაშის God of War Ragnarök-ის გამოშვებამდე, რაც ნოემბრისთვის იგეგმება, Sony-მ მულტფილმის გმირები PlayStation-ის პოპულარიზაციისთვის მოიწვია.
რეკლამაში ვხედავთ, რომ რიკი პორტალში შესასვლელად ემზადება და ამისთვის თავის გადაპარსვასაც აპირებს. თუმცა იგი მარტო არ იქნება და მორტის ცხრა სამეფოში წარუძღვება. როგორც კი სხვა სამყაროში აღმოჩნდებიან, გიჟი მეცნიერი ნაჯახს იპოვის, მორტი კი სთხოვს, გამოიყენოს იგი და მოძალადე ფრინველებისგან დაიცვას… თუმცა სანამ რეკლამას უყურებთ, თქვენი აზრით, რა გადაწყვეტილებას მიიღებს რიკი?
