16
Aug
2019

რობო-შორტი, რომელიც სირბილსა და სიარულში დაგეხმარებათ

16 Aug 2019

veon
veon


სიარულსა და სირბილს განსხვავებული ბიომექანიზმები აქვს, რაც ორივე შემთხვევაზე მორგებული მექანიზმების შექმნისთვის პრობლემას ქმნის. ჰარვარდის Wyss ინსტიტუტის მკვლევარებმა შექმნეს ბიო-ინსპირირებული მექანიზმი – პორტატული რობო-შორტი, რომელსაც შეუძლია სიარულისა და სირბილის პროცესში, თქვენს ასისტენტად იქცეს, შეამციროს მეტაბოლური (ნივთიერებათა ცვლა) მაჩვენებელი და გაზარდოს სიარულის სიჩქარე 1.5 მეტრით წუთში, ანუ 9.3 პროცენტით, ხოლო სირბილისას 2.5 მეტრით წამში, ანუ 4 %-ით. რობო-შორტი ავტომატურად მოქმედებს და გადადის სირბილის რეჟიმიდან სიარულისაში (იმ შემთხვევაში, თუ თქვენ გადაწყვეტთ, სირბილის ნაცვლად იაროთ, ან პირიქით). მისი მოქმედების ძირითადი არეალი სხეულის წონასწორობის ცენტრში – წელშია, რომელსაც ის პოტენციური ენერგიის რყევების მეშვეობით ეხმარება.

მოწყობილობა, რომელიც ნეირონულ ქსელსა და სენსორებს იყენებს, ადგენს თქვენი მოძრაობის სისწრაფეს და იმას, თუ რა პოზიციაშია თქვენი ფეხი ამ მოძრაობისას. ის არის ერთგვარი დამატებითი კუნთი, რომელიც დაგეხმარებათ იმაზე სწრაფად ირბინოთ, ვიდრე კონკრეტულ მომენტში შეგიძლიათ.

რობო შორტის წონა 5 კილოგრამია, მას აქვს მცირე ბატარეა და ძრავი, რომლებიც თქვენ წელზეა განლაგებული და რომელთა დახმარებითაც, სირბილისას, უფრო მსუბუქად შეგიძლიათ იგრძნოთ თავი. რა თქმა უნდა, მოწყობილობა საინტერესოა სამხედროებისთვის, თუმცა, შესაძლოა, სასარგებლო იყოს მათთვისაც, ვისთვისაც ვარჯიშის მიზნით სირბილი მნიშვნელოვანია. ამ ეტაპზე, რობო-შორტის შემქმნელები მისი დიზაინის დახვეწაზე მუშაობენ, ანუ იმაზე, რომ შეამცირონ მისი წონა და მოცულობა.

განხილვა