ფრანგულმა სტარტაპმა Stanley Robotics ცოტა ხნის წინ ლიონის აეროპორტში წარადგინა თავისი ახალი პროდუქტი – რობოტი, რომელსაც მანქანის პარკირება შეუძლია. აღნიშნული რობოტები აეროპორტებისთვისაა განკუთვნილი. მთავარი ამ ამბავში ის არის, რომ სპეციალურად ამ რობოტისთვის კონკრეტული აეროპორტი კონკრეტულ საპარკინგე ადგილებს გამოათავისუფლებს. რობოტი ხელოვნური ინტელექტის მეშვეობით გაითვალისწინებს იმას, თუ რამდენი ხნით აპირებთ ქვეყნის დატოვებას და ამის მიხედვით დააყენებს თქვენს მანქანას კონკრეტულ ადგილზე. შესაბამისად, საპარკინგე ადგილებზე ქაოსი არ შეიქმნება და ნაკლები დრო დაგეხარჯებათ იმაზე ზრუნვაში, თუ სად დააპარკინგოთ ავტომობილი.
