როგორ უნდა იპოვოს მარკეტინგმა თავისი მიმართულება მუდმივად ცვალებად გარემოში? ამ კითხვაზე პასუხის გასაცემად ხელახლა უნდა განვსაზღვროთ ჩვენი მარკეტინგული მიდგომები და ვფოკუსირდეთ 3 მნიშვნელოვან საკითხზე — ჰიპერლოკალიზაცია, სისწრაფე და თანამშრომლობა. ზუსტად ისე, როგორც ამას Netflix, NBA და Lego აკეთებენ:
ჰიპერლოკალიზაციის ძალა — NBA
გლობალურად დაკავშირებულ სამყაროში ლოკალურ საკითხებს პარადოქსული უპირატესობაც კი გააჩნია. ეს მიდგომა გვეუბნება, რომ სანამ ჩვენ გლობალური სოფლის ნაწილი ვართ, ნარატივები, რომლებიც სახლში ვრცელდება, ის არის, რასაც მეზობლები გვიზიარებენ. ეს მოითხოვს პერსონალიზაციის სიზუსტეს, გლობალური ნარატივების გარდაქმნას, რათა ყოველ მომხმარებელს მოერგოს, პატივი სცეს ადგილობრივ კულტურებს, ტრადიციებსა და საჭიროებებს. ამის საუკეთესო მაგალითს კი NBA გვთავაზობს.
NBA ერთ მიდგომას კი არ ირჩევს, რომელიც ყველას მოერგება, არამედ ცდილობს, ისინი თითოეული ქვეყნის კულტურულ ნიუანსებთან შესაბამისად აქციოს. აი, მაგალითად, ფილიპინებში, რომელიც კალათბურთის მდიდარი მემკვიდრეობით გამოირჩევა, NBA ფოკუსირდება ადგილობრივ პროგრამებზე, ღონისძიებებსა და პარტნიორობებზე ადგილობრივ მაუწყებლებთან, რათა თამაშები პიკის სეზონზე აჩვენონ.
ჩინეთში კი, სადაც ყველა ციფრულ სამყაროშია ჩართული, Live სტრიმინგისთვის ისეთ ციფრულ პლატფორმებთან დაამყარა პარტნიორობა, როგორიც Tencent-ია. ისეთ დღეებსაც აღნიშნავს თემატური თამაშებითა თუ ნივთებით, როგორიც ჩინური ახალი წელია… ხოლო ინდოეთში Reliance Foundation Jr. NBA-ის პროგრამა ჩაუშვეს, რომელიც მიზნად ისახავს ახალგაზრდებისთვის კალათბურთის საჭირო უნარებისა და თამაშის ძირითადი ღირებულებების შესწავლას.
სისწრაფის არსი — Netflix
ეს ახალ გარემოებებზე სწრაფად შეგუებასა და ადაპტირებას გულისხმობს, ახალ ინფორმაციებზე პასუხის გაცემასა და გამძლეობას შეფერხებების დროს. შესაძლებლობებისა და პოტენციური ცვლილებების რეალიზებას ეხება და მათზე ეფექტურ რეაგირებასაც. ამის მაგალითად კი უკვე სოციალური მედიისადმი ნეტფლიქსის მიდგომა შეგვიძლია მოვიყვანოთ:
თუ შოუ ან სცენა მიმად იქცევა ან ორგანულად ვირუსული გახდება, ნეტფლიქსის სოციალური მედიის გუნდები ამ ტრენდს მყისიერად აითვისებენ — როცა საშინელებათა ფილმი Bird Box-ის პრემიერა შედგა, ინტერნეტი ფილმის მიმებმა გადაავსო და იმის ნაცვლად, რომ კომპანიაც წინასწარ განსაზღვრულ კონტენტის გეგმას მიჰყოლოდა, Netflix-მა ეს ვირუსულობა თავის სასარგებლოდ გამოიყენა, გააზიარა მომხმარებლების მიერ გენერირებული კონტენტი და ასე კიდევ უფრო გაზარდა მისი პოპულარობა.
კრეატორთა გუნდის მიერ რეალური მონაცემების გამოყენება საშუალებას აძლევს მათ, დააკვირდნენ, რა არის რეზონანსული აუდიტორიისთვის, შემდეგ კი სწრაფად აწარმოონ კონტენტი ამ თემის გარშემო. ეს მოქმედების სიჩქარეა — უბრალოდ შესაძლებლობის დანახვას კი არ ეხება, არამედ მის მყისიერად გამოყენებას. თანაც ტრენდები სწრაფად ჩნდება და ქრება, ნეტფლიქსის სისწრაფის მიდგომა კი უზრუნველყოფს, რომ იგი არა მხოლოდ თამაშში იყოს, არამედ წინ უსწრებდეს მას.
ტრანსფორმაციული თანამშრომლობა — Lego
კრეატიულობასა და მედიას შორის არსებული ხარვეზი ვიწროვდება, განსაკუთრებით კი მაშინ, როცა ციფრული მარკეტინგის არსებობა ხაზს უსვამს კონტენტისა და პლატფორმის სიმბიოზს. ამ ტრანსფორმაციის შესანიშნავ მაგალითად Lego შეგვიძლია ჩავთვალოთ — საკმაოდ მოხერხებულად პასუხობს მიმდინარე მოვლენებს, მომხმარებლების მიერ გენერირებულ კონტენტსა თუ პოპკულტურას, შეუმჩნევლად ათავსებს კრეატიულ და მედია სტრატეგიებს მაქსიმალური გავლენის მისაღებად.
Lego-ში მჭიდრო ინტეგრაციებისა და რეალურ დროში გადაწყვეტილებების მიღების საჭიროებას კარგად აცნობიერებენ., სარგებლობენ შიდა შესაძლებლობებით, რათა რეალურ დროში ჩართულობა უზრუნველყონ და შექმნან მორგებული კონტენტი, რაც ხელს უწყობს თანამშრომლობას ისეთ პლატფორმებზე, როგორებიცაა Instagram და Twitter. ამგვარად, თანამშრომლობის ძველი მეთოდებისთვის გვერდის ავლით, ჩნდება სტრატეგიები, რომლებიც უფრო მეტად შეესაბამება დღევანდელ საბაზრო ტემპს, ასახავს მიმდინარე საჭიროებებს და მომავალსაც უზრუნველყოფს.
მარკეტინგი კი ახალ რეალობას უნდა მოერგოს, გასცდეს მოძველებულ მეთოდებსა და შექმნას სტრატეგიები, რომლებიც ავთენტურია, აბალანსებს გლობალურ თუ ადგილობრივ ნარატივებს, ტრადიციებსა თუ ინოვაციებს… სწორედ თქვენ უნდა აიღოთ საკუთარ თავზე თამაშის შეცვლის პასუხისმგებლობა, რათა იხელმძღვანელოთ გავლენიანი, პასუხისმგებლიანი და ხანგრძლივი კავშირებით, უზრუნველყოთ მარკეტინგის მომავალი ურთიერთდაკავშირებულ სამყაროში.
