ამ ბრენდინგის ბრიფის მთავარი მოთხოვნა აზიის ყველაზე მნიშვნელოვანი კულტურული დღესასწაულისთვის ჩინური ახალი წლისთვის პატივის მიგება გახლდათ. ამიტომაც, გამოწვევას ფესტივალის ტრანსფორმაციული სულისკვეთების ასახვა წარმოადგენდა, საკოლექციო დიზაინითა და სიახლეებისადმი სწრაფვით.
ამისთვის ჩინელ ილუსტრატორ ჯეისონ ლიონთან თანამშრომლობა გადაწყვიტეს, რომლის „მაგიური რეალიზმის“ სტილი ამ თემატიკას ნათელი ფერებითა და გამორჩეული სიმბოლიზმით გააცოცხლებდა. შედეგად კი სიცოცხლის სიმბოლო ლომს ვხედავთ ყვავილების, ფეიერვერკების, პეპლებისა და ფრანების ფონზე — თითოეული სიყვარულისა და მხიარულების სიმბოლოა. ხოლო იქვე არსებული ჩანჩქერი, რაღაც ახლის საწყისსა და, ზოგადად, განახლებაზე მიგვანიშნებს.
აღსანიშნავია, რომ დიზაინი Royal Salute-ის მემკვიდრეობას მოიცავს, რაც ლონდონის კოშკისა და Strathisla-ს დისტილერიის წარმოჩენით ვლინდება. ასე კი ბრენდის მემკვიდრეობასაც უკავშირდება. შედეგად, საკოლექციო ნივთად ყალიბდება და პატივს მიაგებს როგორც ჩინურ ახალ წელს, ისე Royal Salute-ის მდიდარ შოტლანდიურ მემკვიდრეობას.
ტაივანურ გამოშვებაში კი ლომი ფენიქსმა ჩაანაცვლა, განახლებისა და ტრანსფორმაციის სიმბოლომ, რომელიც ბუნებრივი სილამაზის ხატად გვევლინება:
დაბოლოს, ისიც უნდა ვთქვათ, რომ კულტურულად რეზონანსული შეზღუდული გამოშვების სასმლით Royal Salute პოზიციონირებს როგორც ჩინური ახალი წლის მონაწილე და არა, დამკვირვებელი — ბრენდად ყალიბდება, რომელიც ფესტივალის მნიშვნელობას იაზრებს და მას პატივს გამორჩეული დიზაინითაც მიაგებს.
