რუსთაველი ბიჭუნას ქანდაკებისთვის სახელის (ან მეტსახელის) შესარჩევი კონკურსი მეორე ეტაპზე გადავიდა და ფინალში გადასული ვერსიებისთვის ხმის მიცემის პროცესიღა დარჩა, რისთვისაც გვერდის – „რუსთავის მოქალაქე“ ფეისბუკპოსტის კომენტარად, 11-დან შენი ფავორიტი 1 სახელი უნდა აირჩიო:
– კოსმო ბიჭუნა (კოსმო);
– შოთიკო (რუსთაველი);
– გლობუსა;
– რუ;
– სკაფანდარა;
– გრიშკა;
– იგი;
– ინდიგო;
– ჟიული (უმცროსი);
– ადინი;
– იო.
ფინალში გადავიდნენ ყველაზე მეტი მოწონების მქონე სახელები, ვერსიები, რომლებიც გამეორდა და ასევე, „რუსთავის მოქალაქის“ რჩეული სახელები.
გარდა ამისა, ხმის მიცემამდე შესაძლებელია ზოგიერთი სახელის განმარტების წაკითხვაც: 
რუ – მინიშნება რუსთავზე, სიტყვების თამაში, რადგანაც ქანდაკების მთავარი დეტალი არის სფეროსებური თავი – რუს თავი (ვიცოდით, რომ რთული მისახვედრი იყო).
იო – მარველის კომიქსების პერსონაჟის, მისტერიოს შემოკლებული ფორმა, რომელსაც თავზე მინის გაუმჭვირვალე სფერო ახურავს.
სკაფანდარა – სიტყვების „სკაფანდრი“ და „კაფანდარას“ გაერთიანება. სკაფანდრი – ამ შემთხვევაში, კოსმონავტის სპეციალური ჩაფხუტიანი კოსტიუმი. კაფანდარა – გამხდრის სინონიმი.
გამარჯვებული შეირჩევა ყველაზე მეტი ხმის მქონე ოთხეულიდან და ავტორი, კონკურსის პირობების შესაბამისად, ამ ბიჭუნას გამოსახულებიან მაისურს მიიღებს.შენიშვნა: კონკურსში გამარჯვებული ვერსია ბიჭუნას ოფიციალური სახელი შეიძლება ვერ გახდეს, თუმცა ზედმეტსახელი – აუცილებლად.
საბოლოო გადაწყვეტილების მიღებაში თავად ქანდაკების ავტორი – მანუჩარ ოქროსცვარიძეც მიიღებს მონაწილეობას.
კონკურსის პირველ ეტაპზე საჭირო იყო რუსთაველი ბიჭუნასთვის ისეთი სახელის შერჩევა, რომელიც ადგილის იდენტიფიცირებაში დაეხმარებოდა მოქალაქეებს, მაგალითად:
-სად გნახო?
– აგერ, _______-თან ვდგავარ, მალე მოხვალ?“ 
ბიჭუნას ქანდაკება რუსთავში, მერიის მიმდენარედ, კოსტავას გამზირზე დგას.
