24
Aug
2016

მოგზაური მხატვარი და S pen–ით შექმნილი ილუსტრაციები Samsung-ის კამპანიაში

24 Aug 2016



იმისათვის, რომ Samsung Note7–ის ფუნქციების შესახებ მომხმარებელმა უფრო მეტი  უკეთ შეიტყოს, კომპანიამ დახმარება ახალგაზრდა მხატვარს ტიმოთი გუდმანს სთხოვა.

 

 

კამპანიის ფარგლებში, მხატვარი ამერიკის გარშემო სხვადასხვა ადგილებს სტუმრობს და სმარტფონში “S pen”–ის საშუალებით ჩანახატებს აკეთებს. ტური ნიუ–იორკიდან დაიწყო და სიეტლში დამთავრდება.

გუდმანის შთაგონების წყარო ნებისმიერი რამ შეიძლება გახდეს, ქუჩის უბრალო ლამპიონიდან დაწყებული, რომელიმე პრესტიჟული სასტუმროს არქიტექტურით დამთავრებული, ამიტომ, მისთვის ყველაზე მნიშვნელოვანია, ყოველთვის თან ჰქონდეს საჭირო ნივთები. გარდა ამისა, Samsung–ი ნებისმიერ მსურველს აძლევს კამპანიაში მონაწილეობის შესაძლებლობას, მათ შეუძლიათ საინტერესო ფოტოები გააგზავნონ კომპანიის ოფიციალურ Web გვერდზე, ხოლო საუკეთესოს გუდმანი თავისი ილუსტრაციების ნაწილად აქცევს.

ახალგაზრდა მხატვრისა და Note7–ის საილუსტრაციო ამერიკული მოგზაურობა 9 სექტემბერს დამთავრდება და კომპანიაც მაშინვე გამოაქვეყნებს “S pen”–ით შექმნილ შედევრს.

განხილვა