in

ფარმსახლი — „პირველი ფარმაცევტული კომპანიაა ამიერკავკასიაში, სადაც სააფთიაქო რობოტი გამოჩნდა“

ევროპული სააფთიაქო ალიანსის წევრი „ფარმსახლი“ პირველი ფარმაცევტული კომპანიაა ამიერკავკასიაში, რომელმაც 2023 წლის 7 ივლისს სააფთიაქო ქსელში მაღალტექნოლოგიური მომსახურება დანერგა სლოგანით — „Future is now“ და მომხმარებელს სააფთიაქო რობოტის მომსახურება შესთავაზა.

ექსკლუზიური შეთანხმება ფარმსახლსა და გერმანულ კომპანია BD ROWA-ს შორის 2022 წელს გაფორმდა. BD ROWA ლიდერი კომპანიაა მსოფლიო მასშტაბით, რომელიც 25 წელია, მაღალტექნოლოგიურ სამედიცინო სისტემებს აწარმოებს. კომპანიის მიერ წარმოებული 12 000 რობოტი მსოფლიოს 60 ქვეყანაშია წარმოდგენილი. BD-ს წლიური ბრუნვა კი 18 მილიარდ აშშ დოლარს შეადგენს.

სააფთიაქო რობოტი მაღალტექნოლოგიური მოწყობილობაა, რომელიც ხელოვნური ინტელექტის საშუალებით ამარტივებს და ასწრაფებს სამუშაო პროცესებს. გამორიცხავს წამლის გაცემისას დაშვებული შეცდომის ალბათობას. აკეთებს მარაგების პერიოდულ ოპტიმიზაციას, ალაგებს ახალ მედიკამენტებს ადამიანის ჩარევის გარეშე, რითაც ამსუბუქებს სამუშაო პროცესს ფარმაცევტებისთვის. ამასთანავე,  სააფთიაქო რობოტი  დაახლოებით 90%-ით ამცირებს მომსახურების დროს, რაც მომსახურების ხარისხსაც აუმჯობესებს. ჯანდაცვისა და ტექნოლოგიების შერწყმა — ეს არის ფარმაციის მომავალი, რომელიც მომხმარებელს ინოვაციურ მომსახურებას სთავაზობს.

„სააფთიაქო ქსელის დიგიტალიზაცია და ინოვაციური ფარმაცევტული სერვისების დანერგვა ახალ შესაძლებლობებს ქმნის როგორც ქსელში დასაქმებული ფარმაცევტებისთვის, ისე ფარმსახლის მომხმარებლებისთვის. მაღალტექნოლოგიური, ინოვაციური მომსახურების ინტეგრირება სააფთიაქო ქსელში, რომელიც აპრობირებულია მსოფლიოს წამყვან ქვეყნებში, ისტორიული მნიშვნელობის მქონე ნაბიჯია არა მხოლოდ საქართველოსთვის, არამედ რეგიონისთვისაც. ჩვენთვის საამაყოა, რომ სამედიცინო სისტემების მწარმოებელი ლიდერი კომპანია BD ROWA ფარმსახლის ექსკლუზიური პარტნიორია და იწყებს ოპერირებას საქართველოს ბაზარზე“,აცხადებენ ფარმსახლის მენეჯმენტში.

მოლაპარაკებები ფარმსახლსა და BD ROWA-ს შორის ექსკლუზიური პარტნიორობის შესახებ რამდენიმე თვის განმავლობაში მიმდინარეობდა. ბიზნესის განვითარების სტრატეგიული გეგმის მიხედვით, სააფთიაქო რობოტის მომსახურების დანერგვაში 5 მლნ ლარის ინვესტიცია განხორციელდება.

პირველი ახალი კონცეფციის აფთიაქი,  რომელიც მომხმარებლებს უპრეცედენტო ინოვაციურ მომსახურებას სთავაზობს, თბილისში, მ.კოსტავას #70-ში მდებარეობს. სულ მალე სააფთიაქო რობოტი ფარმსახლის სხვა ფილიალებშიც გამოჩნდება.

პირველი ევროპული სააფთიაქო ალიანსის წევრი ფარმსახლი ქართულ ბაზარზე თითქმის 20 წელია ოპერირებს. ქსელი მოიცავს 50 აფთიაქს და მასში 500-ამდე თანამშრომელია დასაქმებული.

[R]

ხელოვნური ინტელექტი შემოქმედებითი აზროვნებისკენ „გვაბრუნებს“

რაჭა-ლეჩხუმის ღვინის ფესტივალი 22 ივლისს ჩატარდება — რა გველოდება?