Saatchi & Saatchi Tbilisi-ს კრეატიული გუნდის ღია წერილი სრულად საქართველოს სანთლით საძებარ ექაუნთ მენეჯერებს:
“ქალბატონებო და ბატონებო, დანო და ძმანო, თანამოქალაქენო… აგერ უკვე რამდენი ხანია არანორმალური იდეების სადარაჯოზე ვდგავართ და მივხვდით, რომ დროა ახალი ძალები მოვითხოვოთ! ვიშრომეთ, ვიწვალეთ, ისედაც უხვად ხომ გვქონდა პროექტები და ახლა კიდევ უფრო მეტიც დავიმატეთ. ჰოდა, ამასობაში, აღმოვაჩინეთ რომ კიდევ უფრო სწრაფად შევძლებდით შეუძლებელი მწვერვალების დაპყრობას, კიდევ უფრო მეტნი რომ ვყოფილიყავით!
მართალია, ჩვენს კრეატიულ საქმეში თავგამოდებით სულ შემოქმედებითი გუნდი ჩანს ყველაზე ცხადად წინა ხაზზე, თუმცა, ფარდის უკან მთელი სააგენტოს სახით მთავარი ძალა რომ არ გვიმაგრებდეს ზურგს, ჩვენი გადარეული იდეები ასევე დარჩებოდა მხოლოდ და მხოლოდ აბსტრაქციაში – იდეებად და არაფერ სხვად.
სტრატეგებიდან დიჯითალ გუნდამდე და ვიდეო პროდაქშენიდან პიარამდე – ამ სფეროში ყველაფერი საათივითაა აწყობილი და მთლიანი მექანიზმის ეფექტურობაც მისი თითოეული ნაწილის სრულყოფილ მუშაობაზეა დამოკიდებული.
ცხადია, ყველა ფაქტორი ერთნაირად მნიშვნელოვანია, თუმცა ჩვენთვის, როგორც შემოქმედებითი გუნდისთვის, მთავარი ძალა სწორედ ექაუნთ მენეჯერებშია, რომლებიც ხანდახან გვაწვალებენ, ხანდახან ჩვენგან წვალდებიან, მაგრამ საბოლოო ჯამში, ნებისმიერი სააგენტოს მამოძრავებელ მუხტს წარმოადგენენ.
ჰოდა, ასე და ამგვარად, მთელი გუნდი ვითხოვთ, რომ ეს კარგი ხალხი, რაც შეიძლება დიდი რაოდენობით გვყავდეს ჩვენს რიგებში. ამიტომაც, ოფიციალურად ვაცხადებთ, რომ ვეძებთ კიდევ ერთ უფროს ექაუნთ მენეჯერს, რომელიც ეფექტურად წარუძღვება ჩვენს მრავლისმომცველ წამოწყებებს, დედლაინებს აქეთ შეაშინებს და პროექტებსაც ისე მართავს, მირანდა პრისლიც რომ ვერ დასდებდა წუნს!
ასე რომ, თუ ხარ მოტივირებული, სოციალური და ენერგიული მენეჯერი, გაქვს 2-3 წლიანი გამოცდილება და ცინცხალი იდეებიც არ გაკლია, კარგად ფლობ ინგლისურ ენას და არც გამოწვევებს უფრთხი, ეს პოზიცია შენთვისაა!
წამო Saatchi & Saatchi Tbilisi-ში, ჩაერთე ფოტო, ვიდეო, დიჯითალ თუ პრინტ კამპანიებში, ითანამშრომლე როგორც ადგილობრივი, ისე საერთაშორისო ბაზრის ლიდერ ბრენდებთან და შექმენი დაუვიწყარი პროექტები ჩვენს გუნდათ ერთად!
მეტი ექაუნთ მენეჯერი სააჩის და მეტი ბედნიერება ერს!
უგზო–უკვლო პატივისცემით,
Saatchi & Saatchi Tbilisi-ს შემოქმედებითი გუნდი”
ვისაც გსურთ, სააჩის კრეატიული გუნდის ხმა შეისმინოთ და ვაკანსიას გამოეპასუხოთ, დეტალური ინფორმაცია შეგიძლიათ იხილოთ მოცემულ ბმულზე!
[პარტნიორის კონტენტი]
