1
Aug
2019

#სადანროგორ: ღონისძიებები 1-6 აგვისტო

1 Aug 2019

თუკი შვებულებაში ჯერ კიდევ არ გასულხართ, ან თუ გახვედით და ბათუმში ხართ, გეტყვით, რომ “ივენთთა” ნაკადი არ წყდება და კვლავაც მრავალფეროვნად შეგიძლიათ გართობა. კვირის ივენთებს მარკეტერი ტრადიციულად გთავაზობთ:

My Vinyl #48 at meoba | Iman Fahimi

ყოველ მეორე ხუთშაბათს ბარი მეობა ღონისძიებების სერიას “My Vinyl” მასპინძლობს. ამ ხუთშაბათის სტუმარი კი Iman Fahim-ია. საღამო 10:00 სთ-ზე დაიწყება. მეობა სტუმრებს ფირფიტებით ელის..

ARA live at Sector 26

1 აგვისტოს ბათუმში არსებული Sector 26 ყველასთვის კარგად ნაცნობ ჯგუფს “არა” მასპინძლობს. საღამო 10:30 სთ-ზე დაიწყება და მასზე დასასწრები ბილეთის ფასი 20 ლარია. დეტალებისთვის ეწვიეთ ბმულს. 

DECODER: KOLLEKTIV TURMSTRASSE / COSMIC LOVE ROTATION / TADE

2 აგვისტოს, კუს ტბაზე, ცისკარი • ciskari-ში, ელექტრონული მუსიკისა და ციფრული ხელოვნების ფესტივალი DECODER წარმოგიდგენთ: KOLLEKTIV TURMSTRASSE – გერმანული დუო 1998 წელს, Christian Hilscher-ის და Nico Plagemann-ის მონაწილეობით, ქალაქ ჰამბურგში შეიქმნა. Tade – ადგილობრივი სცენის წარმატებული პროდიუსერი და Cosmic Love Rotation – ქართველი მუსიკოსის, ბესო მახარობლიძის პროექტი. ბილეთებისთვის ეწვიეთ ბმულს. 

Weekend Rhythm: Bossa Nova

2 და 3 აგვისტოს ბარ პოლიტიკაში ბოსა ნოვას საღამოები მოეწყობა. აღნიშნული საღამოები კი მიეძღვნება ამ ჟანრის მაესტროს – ჟოაო ჟილბერტუს, რომელიც სულ ახლახან გარდაიცვალა.

ლიზა კალანდაძე და გიორგი ცხადაძე & 4+2 Band პრეზენტაცია

2 აგვისტოს ქაოსში ლიზა კალანდაძის და გიორგი ცხადაძის ბენდის 4+2 პრეზენტაციაა. საღამოზე შესვლა თავისუფალია. სხვა დამატებითი დეტალებისთვის ეწვიეთ ბმულს. 

KHIDI 中 G2: iN NIGHT

3 აგვისტოს G2-ში KHIDI-სა და აზერბაიჯანული კლუბის iN საერთო ღამე გაიმართება. მსმენელის წინაშე KHIDI-სა და iN-ის რეზიდენტი ლადუკა ნინუა, ტექნო პროექტით OTHR წარდგება. მასთან ერთად დაუკრავენ ასევე კლუბ iN-ის რეზიდენტები: George Effe და Irshad Hussein. ბილეთებისთვის ეწვიეთ ბმულს.

HOROOM: MERCURRIO ■ KOTE JAPARIDZE

3 აგვისტოს, HOROOM-ის მსემენელებს, კლუბის რეზიდენტების MERCURRIO-ს და KOTE JAPARIDZE-ს მოსმენის საშუალება ექნებათ. MERCURRIO HOROOM-ის ლოიალური მსმენელის ერთ-ერთი საყვარელი დიჯეია. ის ხაზს უსვამს, რომ შემოქმედებითი საქმიანობაში მთავარი ფაქტორი განვითარების მუდმივი პროცესი და ზედმეტ შეზღუდვებზე უარის თქმაა. კოტეს პირველი მუსიკალური გამოცდილება 5 ბიტიანი ვიდეოთამაშების პოლიფონიურ საუნდტრეკებს და ჰიპ-ჰოპ ჩანაწერებს უკავშირდება. ბილეთებისთვის ეწვიეთ ბმულს. 

GATE: Kancheli ■ Ndrx ■ Zitto

3 აგვისტოს ბათუმში არსებული კლუბი GATE უმასპინძლებს Bassiani-ს რეზიდენტებს და მუსიკოსებს Kancheli, Ndrx, Zitto-ს. ბილეთის ფასი ონლაინ 20 ლარია, კარზე – 30 ლარი. მათ შესაძენად ეწვიეთ ბმულს. 

Jessie J | Black Sea Arena

6 აგვისტოს “ბლექ სი არენაზე” ბრიტანელი შემსრულებელი Jessie J, რომელსაც მსოფლიოს მასშტაბით 3 მილიონი ალბომი და 20 მილიონი სინგლი აქვს გაყიდული, კონცერტს გამართავს. ბილეთებისთვის ეწვიეთ ბმულს. 

განხილვა