საფეხბურთო კლუბები ფან-მაღაზიებში რეკორდული რაოდენობის სახის ნიღბებს ჰყიდიან

COVID-19-ის წინააღმდეგ ბრძოლაში საფეხბურთო კლუბები აქტიურად ჩაერთნენ, უამრავი მოწოდების, კამპანიისა და სოციალური მედიის კამპანიის გარდა, კლუბებმა საკუთარი ბრენდირებული სახის დამცავი ნიღბების წარმოებაც დაიწყეს. ცხადია, უდიდესი ინტერესისა და მოთხოვნის ფონზე აღნიშნულმა ნაწარმმა მალევე გადაინაცვლა კომერციულ სივრცეში და დღეს, უკვე თითქმის ყველა დიდი საფეხბურთო ლიგის წარმომადგენელი ფან-მაღაზიაში საკუთარ ბრენდირებულ ნიღბებს ჰყიდის. მოთხოვნა იმდენად მაღალია, ტოპკლუბები დიდი თანხების აკუმულირებას ახერხებენ.

ევროპულ ბაზარზე ყველაზე ძვირადღირებულ ნიღბებს საფეხბურთო კლუბი „ბარსელონა“ აწარმოებს, კატალონიელების ფან მაღაზიაში აღნიშნულ პროდუქციას 18 ევროდ შეიძენთ (საცალო ფასი). ყველაზე იაფიან პროდუქტს კი გერმანული „ბუნდესლიგის“ წარმომადგენლები – ლევერკუზენის „ბაიერი“ და მიონხენგლადბახის „ბორუსია“ აწარმოებენ. მათი ნიღბების ფასი, სულ რაღაც, 2.99 ევროა.

გარდა საცალო შეთავაზებებისა, ინგლისში, მაგალითად, კლუბები კომბინირებულ ვარიანტებსაც ამუშავებენ. მანჩესტერ „სიტის“, „ასტონ-ვილასა“ და „ევერტონის“ გულშემატკივრები საყვარელი კლუბის ბრენდირებულ 3 ნიღაბს 19 ევროდ შეიძენენ.გარდა ამისა, კოლექციონერთა დიდ საფეხბურთო გაერთიანებას კიდევ ერთი ხაზი დაემატა. ევროპაში აქტიურად გამოჩდნენ გულშემატკივრები, რომლებიც სხვადასხვა კლუბის ბრენდირებულ სახის ნიღბებს აგროვებენ. გამოჩნდა პლატფორმები, ჯგუფები, საიტები, სადაც ხდება ნიღბების მიმოცვლა, ვაჭრობა და მსგავსი სახის ოპერაციები.

ბრენდირებულ სახის ნიღბებს ჩვენი ეროვნული საფეხბურთო ნაკრები და ეროვნული ლიგის კლუბებიც იყენებენ, თუმცა სავაჭრო დახლებზე გასაყიდად აღნიშნული პროდუქცია ჯერ არცერთ მათგანს არ გამოუტანია. ეროვნული ნაკრების ნიღბები კომპანია “spillow-მ” დაამზადა.

 

View this post on Instagram

 

A post shared by Spilow (@spilowkids)

გთავაზობთ ევროპული საფეხბურთო კლუბების სახის ნიღბების ფასებს :