23
Oct
2018

ერთი სული გვაქვს, მოვისმინოთ შენი პირველი ხუმრობა საჯარო გამოსვლის დროს!

23 Oct 2018

საჯარო გამოსვლა არ არის მარტივი, განსაკუთრებით იმ ადამიანებისთვის, ვისთვისაც სკოლაშიც კი, გაკვეთილის სხვების თანდასწრებით, დაფასთან მოყოლა ტვირთი იყო. შემდეგ, თანამშრომლების წინაშე პრეზენტაციის გაკეთება გახდა შფოთვის საბაბი. აი, ბოლოს კი, კომფორტის ზონიდან სრულიად გამოვარდნის დროც დადგა – არჩევანი კარიერასა და პირად შიშებს შორის – საჯარო გამოსვლა, დიდი აუდიტორიის წინაშე.
ავტორი, ბიზნესლიდერი და საჯარო გამომსვლელი, რიჩარდ ვან სტატენი გვიზიარებს იმ დაბრკოლებებთან გამკლავების ხერხებს, რასაც ადამიანები საჯარო გამოსვლის დროს ხვდებიან:

pasha-statiebi
pasha-statiebi

დაიწყე იუმორით
რა აქვთ ადამიანებს საერთო – მათ უყვართ, როცა სიცილის მიზეზი აქვთ. ამას კი, იწვევს სხვისი ნათქვამის საკუთარ თავსა და გამოცდილებასთან დაკავშირება. დაიწყე შენი გამოსვლა კარგი ხუმრობით და აგრძნობინე აუდიტორიას, რომ შენი მონოლოგის პროცესში, დამატებითი ინფორმაციის მიღების გარდა, ისინი კარგ დროს გაატარებენ. თუმცა, გახსოვდეს, რომ აუდიტორიაზეა დამოკიდებული, რა ტიპის ხუმრობას მიიღებს და გაიგებს სწორად. მაგალითად, შეგიძლია, პოლიტიკაზე გააკეთო აქცენტი. ეს ბოლო, რა თქმა უნდა, ხურობით. პოლიტიკას ნუ შეეხები.

იყავი ნამდვილი
ახალბედა საჯარო გამომსვლელები, როგორც წესი, უსმენენ ხოლმე პროფესონალებს და შესაძლოა, მათი გავლენის ქვეშაც აღმოჩნდენ. მაგალითად, რა ჯობს ტონი რობინსის მოსმენას და იმის წარმოდგენას, რომ მასავით ქარიზმატულად წარმოიდგინოთ ტრიბუნაზე თავი. თუმცა, გახსოვდეს, რომ მთავარი შენი პირადი შესაძლებლობებია. გულწრფელად გამოამჟღავნე საკუთარი თავი, რადგან უნიკალური ხარ და საშუალება მიეცი აუდიტორიას გისმინონ შენ და არა – ვიღაცის ანარეკლს.

 გესმოდეს აუდიტორიის
ალბათ, გაგიგია გამოთქმა: იცნობდე შენს აუდიტორიას. როცა, მაგალითად, კონფერენცია ეხება გენდერულ პრობლემებს, დიდი ალბათობაა იმისა, რომ ოთახი მარკეტერებითა და მეწარმეებით არ იყოს ხომ სავსე? შენი გზავნილი აუდიტორიასთან, კომუნიკაციის ფორმა უნდა იყოს მორგებული იმ სეგმეტზე ვისთვისაც საუბრობ. თუ, რა თქმა უნდა, გინდა, რომ შთაბეჭდილება მოახდინო მათზე. შესაძლოა, კარგად ვერ მიხვდე, რა ტიპის ადამიანებთან გაქვს საქმე, სანამ, უშუალოდ, პროცესშ არ გექნება მათთან შეხება, თუმცა, ზოგადი წარმოდგენის შესაქმნელად, შესაძლებელია მოიკვლიო ის ინფორმაცია, რაც აუდიტორიის მიზნებისა და სუსტი წერტილების შეფასებაში დაგეხმარება.

მოერგე მსმენელს
იცნობდე აუდიტორიას არის ერთი, მაგრამ მორგება კიდევ სხვა ეტაპია. შენი გზავნილი, წარდგენა, ვიზუალური მხარე, იუმორი, არჩეული თემის შინაარსი, ის, თუ რამდენად მომზადებული ხარ, შეესაბამება, თუ არა ვერბალური და არავერბალური კომუნიკაცია ერთმანეთს, როგორია საუბრის ტემპი და ტონი – ეს, ერთი შეხედვით, გამოსვლის უმნიშვნელო ნაწილებია, თუმცა, რეალურად, ხომ დეტალები ქმნის იმას, რასაც აუდიტორიის აღფრთოავნება ჰქვია?!

რას ვგულისხმობთ საჯარო გამოსვლის დასკვნით ნაწილში? იქნებ, გამოსვლა უნდა დაამთავრო სასარგებლო რჩევით, მოტივაციური გზავნილით? ამ შემთხვევაში, ძალიან მნიშვნელოვანია, არ გადაუხვიო მთავარ თემას და შენი აუდიტორიის მოლოდინებს. რაც უფრო კარგად იცნობ შენს მსმენელს, მით უფრო ორგანულად შეძლებ გამოსვლის დასრულებას.

ყველაზე კარგი კი, იცი, რისი შეგრძნებაა? – გამოცდილების. იმის, რომ შენ, შესაძლებლობა გამოიყენე მაქსიმალურად, თავი არ დაზოგე და მზად ხარ, საკუთარ თავზე მუშაობით, უფრო თავდაჯერებული წარსდგე აუდიტორიის წინაშე.

გელოდებით სცენაზე! რადგან ერთი სული გვაქვს, მოვისმინოთ შენი პირველი ხუმრობა!

წყარო: inc



განხილვა