დღევანდელი საინტერესო პოდკასტის თემა ჩვენთვის განსაკუთრებულია, რადგან ვსაუბრობთ ჩვენს უპირობოდ მოსიყვარულე, ყველაზე ერთგულ, ყველაზე საყვარელ არსებებზე, რომლებსაც ქვეყანაში სათანადო პირობები არ აქვთ. ამის მიზეზი უამრავია, თუმცა ძია ნოდართან და ნინიშა ჩლაიძესთან ერთად ვსაუბრობთ ადამიანების უშუალო პასუხისმგებლობაზე, რომელიც ამ ცოცხალი არსებების ცხოვრებს უფრო ბედნიერს გახდის მათთან ერთად ჩვენც გავბედნიერდებით.
დღეს ვსაუბრობთ ძაღლებზე. ცუგებზე. ცუგრიკებზე.
ვსაუბრობთ, მათსა და ჩვენს ურთიერთობებზე, ვსაუბრობთ იმაზე, როგორ შევარჩიოთ ისინი სწორად, როგორ მივიღოთ სწორი გადაწყვეტილება, როცა მათი ყოლის სურვილი შეგვიპყრობს. ხშირად სწორად ამ საკითხებთან გაუაზრებელი დამოკიდებულების შედეგია ის, რომ ქუჩაში ძაღლების რაოდენობა უფრო და უფრო იმატებს, თუმცა ეს რაოდენობა რამდენია ზუსტად, არავინ იცის, რადგან მათი აღრიცხვაც კი არ ხდება სათანადოდ.
