in

სამხრეთკორეელები ერთი ან ორი წლით ახალგაზრდები გახდნენ — ახალი კანონი

სამხრეთ კორეელები ერთი ან ორი წლით უმცროსები გახდნენ — ახალი კანონის ფარგლებში, ერთ ტრადიციულ დათვლის მეთოდს აუქმებენ, რომელიც მათ დაბადებისას ერთწლიანებად მიიჩნევდა. ის საშვილოსნოში ყოფნის დროსაც მოიცავდა. ახლა კი ქვეყანა ასაკის დათვლის საერთაშორისო სტანდარტს უერთდება.

ასევე, უქმდება მეორე მეთოდი, რომლის მიხედვითაც, ყოველი წლის იანვარში ადამიანი ერთი წლით ბერდებოდა და არა — მათ დაბადების დღეებზე. პრეზიდენტი ინ სუკ იოლი მტკიცედ უჭერდა მხარს ამ ცვლილებას, რადგან მისი თქმით, ასაკის დათვლის ტრადიციულმა მეთოდებმა არასაჭირო სოციალური და ეკონომიკური ხარჯები შექმნა. მაგალითად, დავები წარმოიშვა სადაზღვევო ანაზღაურებისა და სამთავრობო დახმარების პროგრამების უფლებამოსილების განსაზღვრასთან დაკავშირებით.

უფრო მარტივად რომ ავხსნათ, აქამდე მოქმედი ათვლის სისტემა ასე მოქმედებდა: „კორეული ეპოქის“ სისტემის მიხედვით, ადამიანი დაბადებისას ერთი წლის იყო. 31 დეკემბერს დაბადებული ბავშვი კი მეორე დღეს, ანუ 1-ელ იანვარს, უკვე ორი წლის ხდებოდა.

2022 წლის იანვარში ადგილობრივი ფირმა Hankook Research-ის მიერ ჩატარებული გამოკითხვის თანახმად, ოთხი სამხრეთ კორეელისგან სამი სტანდარტიზაციის მომხრე იყო. „ადამიანების ქცევაში ეიჯიზმის არაცნობიერი ფენაა. ეს ვლინდება ასაკზე დაფუძნებულ რთულ ენობრივ სისტემაშიც კი… იმედი მაქვს, რომ „კორეის ეპოქის“ სისტემის გაუქმება და საერთაშორისო სტანდარტის ადაპტაცია არასაჭირო ტრადიციებსაც მოგვაშორებს“, — აღნიშნა ერთ-ერთმა კორეელმა.

კანონი დღეიდან, 28 ივნისიდან, შევიდა ძალაში.

სმარტ კაპიტალ ჯგუფი ქალთა გაძლიერების პრინციპებს შეუერთდა

რა რეალობას მივიღებთ, ტემპერატურამ 100 გრადუსს რომ მიაღწიოს?