21
Feb
2019

Samsung Galaxy S10 სმარტფონების წინასწარი შეკვეთები უკვე დაიწყო

21 Feb 2019

Galaxy S სერიის პირველი სმარტფონის გამოჩენიდან ათწლეულის შემდეგ, Samsung Electronics-მა Galaxy S10 სერიის ახალი ფლაგმანი მოწყობილობები წარადგინა და საფუძველი ჩაუყარა მობილური ინოვაციების განვითარების ახალ დეკადას. პრემიალური სიახლეების ჩამონათვალშია – ძირითადი მოდელი Galaxy S10, გაზრდილი ზომის მოდელი Galaxy S10+ – მათ შორის, კერამიკული კორპუსით და 1 TB შიდა მეხსიერებით, Galaxy S10e კომპაქტური კორპუსით და ბრტყელი ეკრანით.

 

Galaxy S10 სერიის მოდელებში Samsung Electronics-მა  შემოგვთავაზა სრულიად ახალი ეკრანისა და დიზაინის კონცეფცია. ეს არის სინემატიკური ე.წ. Infinity O ეკრანი, რომელიც გამოირჩევა თითქმის გამქრალი ჩარჩოებით და ეკრანში ინტეგრირებული ფრონტალური კამერით, რომელიც სმარტფონებს ინოვაციურ დიზაინს სძენს. ამ შთამბეჭდავი ეკრანის დასაცავად პირველად სმარტფონებში გამოიყენება Corning Gorilla Glass 6 თაობის დაცვა.

როგორც კომპანიაში ამბობენ, ეფექტური დიზაინის გარდა, Galaxy S10-ის ეკრანი გამოირჩევა იმით, რომ აქვს საუკეთესო გამოსახულების ხარისხი დღეს: ყველაზე მაღალი სიმკვეთრის მაჩვენებელი, 2K+ რეზოლუცია, Dynamic AMOLED ტექნოლოგია და ასევე მსოფლიოში პირველად HDR10+ის მხარდაჭერა, რაც უზრუნველყოფს მილიარდზე მეტი ფერის გადმოცემის შესაძლებლობას და მუდმივად ფერების გრადაციის კორექტირებას.

Galaxy S10 | S10+ში გამოიყენება უსაფრთხოების თანამედროვე მექანიზმი: თითის ანაბეჭდის სკანერი ეკრანში. ეს სმარტფონის უბრალო განბლოკვასაც კი ეფექტურად წარმოაჩენს. Galaxy S10 | S10+ ში მსოფლიოში პირველი თითის ანაბეჭდის ულტრაბგერითი სენსორი გამოიყენება, რომელიც უფრო დაცულია და სველ თითსაც კი აღიქვამს.

“Galaxy S10 მოდელებში Samsung Electronics გპირდებათ მინიმუმ 24 საათი ან მუშაობის ხანგრძლივობას. ამის თქმის საშუალებას რამდენიმე ფაქტორი გვაძლევს: დიდი ზომის აკუმულატორი, ენერგოეფექტური ახალი თაობის პროცესორი, გონიერი ოპერაციული სისტემა და გაგრილების მექანიზმები.

Galaxy S10 მოდელებს აქვთ ენერგიის უსადენოდ გაცემის ფუნქცია. ამ ფუნქციის გამოსაყენებლად უბრალოდ უნდა დაადოთ თქვენს სმარტფონს სხვა სმარტფონი, სმარტ საათი ან უსადენო ყურსასმენები და ისინი მიიღებენ ენერგიას თქვენი Galaxy S10-დან.

Galaxy S10, S10+ ს აქვს 3 ძირითადი კამერა. თითოეულ მათგანს თავისი კონკრეტული დანიშნულება და ფუნქცია აქვს:

*ფართო კუთხოვანი ლინზა, დიაფრაგმის მოძრავი მექანიზმით და ორმაგი პიქსელების ტექნოლოგიით, იღებს იდეალურ სურათს ღამით და აქვს ძალიან სწრაფი ფოკუსი;

*ტელე ფოტოტიპის ლინზა, იდეალური პორტრეტისათვის ფონის გაბუნდოვნებით და ოპტიკური მოახლოვებისათვის ხარისხის დაკარგვის გარეშე;

*ულტრა განიერი ლინზა, სპეციალურად ლამაზი პეიზაჟებისათვის ან ჯგუფური ფოტოებისათვის. იდეალურია  მოვლენის აღსაბეჭდად ვიდეო გადაღებით.

ფრონტალურ კამერას რაც შეეხება, აქაც გვაქვს საინტერესო სიახლეები. Galaxy S10 მოდელები პირველია, რომლებსაც შეუძლიათ 4K (UHD) რეზოლუციის ვიდეოგადაღება ფრონტალური კამერით. Galaxy S10 მოდელების ფრონტალური კამერა აღჭურვილია Dual Pixel ტექნოლოგიით, რაც უზრუნველყოფს მაქსიმალურად სწრაფ  ფოკუსირებას და მკვეთრ სელფის.”

“ათი წლის წინ პირველი მოდელის გამოჩენისთანავე Galaxy S სერია პრემიალური ინოვაციების სახე გახდა და მომხმარებლებს სთავაზობდა წარმოუდგენელ შთაბეჭდილებებს, რომელიც კონკრეტულად მათზე იყო მორგებული – განაცხადა DJ Koh-მას Samsung Electronics-ის პრეზიდენტმა და IT და მობილური კომუნიკაციების ხელმძღვანელმა – Galaxy S10 ეფუძნება S სერიის მდიდარ მემკვიდრეობას და ასახავს ინოვაციებს ეკრანის, კამერისა და მწარმოებლურობის მიმართულებით. ოთხი პრემიალური მოწყობილობა, რომელთაგან თითოეული განკუთვნილია კონკრეტული ტიპის მომხმარებლისთვის, საშუალებას მისცემს Samsung- ს გააძლიეროს საკუთარი პოზიცია სმარტფონების ტექნოლოგიების ახალი ეპოქის გახსნით. ”

ამ სმარტფონების წინასწარ შეკვეთები უკვე დაიწყო და 7 მარტის ჩათვლით მიმდინარეობს. Galaxy S10e | S10 | S10+ მოდელების სამსუნგ ელექტრონიქსის ბრენდ მაღაზიასა და ოფიციალური პარტნიორების მაღაზიათა ქსელებში ოფიციალური ჰოლოგრამით წინასწარ შეკვეთის შემთხვევაში, მომხმარებელი საჩუქრად უახლეს უსადენო ყურსასმენებს, Galaxy Buds-ს მიიღებს.

სამსუნგი გირჩევთ, შეიძინოთ სმარტფონები მხოლოდ ოფიციალური ჰოლოგრამით.

[R]

განხილვა