სულ ახლახან Unpacked-ის ღონისძიებაზე სამსუნგმა Galaxy S24-ისა და S24 Plus-ის მოდელებზე ისაუბრა, რომლებიც ბაზარზე 31 იანვრიდან ჩაეშვება. მთავარი აქცენტი Galaxy AI-ზე გაკეთდა. დიახ, კომპანია AI ფუნქციებით სავსე სმარტფონებს უშვებს — Galaxy S24 799.99$ ეღირება, Galaxy S24 Plus 999.99$, ხოლო Galaxy S24 Ultra 1299.99$. თანაც წინასწარი გაყიდვები უკვე დაწყებულია…
რაც შეეხება კონკრეტულ AI ფუნქციებს, ბევრი Google-ის Pixel-ის ხაზს მოგაგონებთ და ეს შემთხვევითი არცაა, რადგან Samsung ხელოვნური ინტელექტის ფუნქციებისთვის Google-ის Gemini მოდელს იყენებს. მაგალითისთვის, ხმოვანი ჩანაწერების აპლიკაციას შეეძლება ჩაწერილი საუბრის ტრანსკრიფცია, შემდგომ კი მისი ავტომატურად შეჯამება. რაც შეეხება სურათების რედაქტირებას, აქ Magic Editor-ის მსგავსი ფუნქცია დაგხვდებათ. S24-ზე Google-ის Circle to Search-ზეც კი მიიღებთ წვდომას:
Samsung AI ფუნქციებით სატელეფონო ზარებისა და ტექსტური შეტყობინებების რეალურ დროში თარგმნას 13 ენაზე გთავაზობთ. S24-ის ხაზში კი წელს კლავიატურას ახალი ფუნქცია ემატება, რომელსაც tone tweak-ს უწოდებენ. აღნიშნული საშუალებას მოგცემთ, ტექსტური შეტყობინების ტონი შეარჩიოთ, იქნება ეს Professional, Casual, Social, Polite თუ Emojify. აქვე შემოგთავაზებთ გრამატიკულ შესწორებებს.
AI ფუნქციების გარდა, სამივე ტელეფონზე კომპანია OS-ისა და უსაფრთხოების 7-წლიან განახლებებს გვპირდება. Galaxy S24 და S24 Plus ძირითადად მაინც იმის გაგრძელებაა, რაც გასულ წელს S23-ის მოწყობილობებში ვნახეთ. როგორც აცხადებენ, წელს ეკრანი უფრო დიდი (S24 6.2 & S24 Plus 6.7) და ნათელი იქნება, ეკრანის მაქსიმალური ნათება კი 2600-ს მიაღწევს. აღსანიშნავია ისიც, რომ S24 Plus 1440p გარჩევადობით გამოირჩევა.
ორივე ტელეფონს კვლავ აქვს სამმაგი კამერა — 50, 12 და 10-მეგაპიქსელიანი 3X ოპტიკური ზუმით. საინტერესო ცვლილებებია პროგრამული უზრუნველყოფის მხარესაც, რაც HDR ფოტოების უკეთეს მხარდაჭერას გულისხმობს, რომელიც ახლა მხოლოდ მთავარი კამერის აპლიკაციით კი არა, მესამე მხარის აპლიკაციებითაც შეგიძლიათ გადაიღოთ.
S24 8-გიგაბაიტიანი RAM-ით გამოდის, რომელსაც ამერიკაში 128 და 256-გიგაბაიტიანი მეხსიერების ვარიანტები ექნება, ხოლო ევროპელ მომხმარებლებს დამატებით 512-გიგაბაიტიანი მეხსიერების ვარიანტს შესთავაზებენ. რაც შეეხება S24 Plus-ს, 128-გიგაბაიტიანი RAM აქვს, 256 და 512-გიგაბაიტიანი მეხსიერებით. ხოლო სამსუნგის Fast Wireless Charging-ის გამოყენებას ორივე სმარტფონზე შეძლებთ. Galaxy S24 და S24 Plus Corning Gorilla Glass Victus 2-ით არის დაცული, მაგრამ IP68 რეიტინგებს მტვრისა და წყალგამძლეობის შესახებ მაინც მიიღებთ. რაც შეეხება ფერებს, იგი შავ, ნაცრისფერ, იასამნისფერ და ყვითელ სმარტფონებს გთავაზობთ…
