Samsung სრულად ვირტუალურ კონფერენციას უმასპინძლებს და იგი ბარსელონაში მობილურ მსოფლიო კონგრესს დაემთხვევა.
გასულ წლებში მობილური მსოფლიო კონგრესი Samsung-ის ისტორიაში ერთ-ერთი ყველაზე მნიშვნელოვანი მოვლენა იყო. 2014-დან 2018 წლამდე კომპანია ბარსელონაში თავისი უახლესი Galaxy S ტელეფონების გამოსაცხადებლად ხშირად დადიოდა. თუმცა მას შემდეგ, რაც 2018 წელს Galaxy S9 გამოვიდა, კომპანიამ ამ მოწყობილობების გამოვლენა საკუთარ Unpacked ღონისძიებებზე დაიწყო.
ორი წლის შემდეგ, Samsung MWC სიას უბრუნდება. კომპანია, დიდი ალბათობით, Galaxy Z Flip-ისა და Z Fold-ის პრეზენტაციას გააკეთებს.
ღონისძიების ყურებას Samsung-ის ვებსაიტზე, Engadget-სა და კომპანიის YouTube არხზე შეძლებთ. კონფერენცია კვირას, 27 თებერვალს, 13:00 საათზე გაიმართება.
