ლისაბონელი ფოტოგრაფი უგო სუისასი შეუძლებელს რეალობად აქცევს — კრეატიული პერსპექტივის გამოყენებით, ის ჩვეული ობიექტების ნამდვილ სახეს უპირისპირდება და საკუთარ უჩვეულო სამყაროს ქმნის. ურთიერთსაპირისპირო საგნები ბუნებრივად ერწყმის ერთმანეთს.
სუისასი ამტკიცებს, რომ დიდი ბიუჯეტი არ არის საჭირო მაღალი დონის ფოტოების გადასაღებად და საინტერესო კომპოზიციების შესაქმნელად. ამის ნაცვლად, მთავარია შემოქმედებითი ხედვა, ყველაფრის განსხვავებული პრიზმიდან დანახვა და გამბედაობა, რომელიც რაღაც ინოვაციურის შექმნას სჭირდება.
