„ყველაფერი ჩვენი საქმეა“ – „საფარის” უახლესი ვიდეორგოლი ქალების სიძლიერეზე

რა არის ქალის მთავარი საქმე? ოდესმე ეს კითხვა დაგისვამთ? და თუ კი, საინტერესოა, ერთი პასუხი გაეცით თუ ჩამოსათვლელად ხელის თითებიც არ გეყოთ. დასაბამიდან, ქალი იყო დედაც და მებრძოლიც, ოჯახის მარჩენალიც და დიასახლისიც, ხელოვანიც, მეცნიერიც, სპორტსმენიც, ექიმიც და პედაგოგიც. მას შეეძლო, ერთდროულად უამრავი საქმე შეეთავსებინა და არ აშინებდა არც პრობლემები და არც ბარიერები, იმიტომ რომ მისი ხასიათი ასეთია – ყველაფერი შეუძლია, როცა ამის საჭიროებას ხედავს.

ქალის როლსა და მოვალეობებს გამოეხმაურა ქალთა უფლებათა დაცვის ორგანიზაცია „საფარი”, რომელმაც სულ ახალთახალი ვიდეო მოგვიმზადა და გაგვახსენა, რომ ამ სქესს ყველაფერი შეუძლია.