Nike ბევრისათვის ერთ-ერთი საყვარელი ბრენდია, რასაც, რა თქმა უნდა, თავისი მიზეზები აქვს — მაგალითად, იგი მომხმარებელს ყოველთვის ე. წ. გმირის როლში აყენებს… ადვილად იპყრობს ემოციებს და მარტივი სიტყვებით ყველას შთააგონებს, რომ აღარაფერი ვთქვათ იმაზე, რომ ეს ბრენდი მართლაც კარგ პროდუქტებს ქმნის.
ახლა კი Nike-მა კალათბურთის მოედანი გახსნა, რომლის შესაქმნელადაც მომხმარებლების მიერ შემოწირული 20 000 გადამუშავებული ფეხსაცმელი გამოიყენა. ეს კიდევ ერთხელ ადასტურებს მდგრადი განვითარებისადმი ერთგულებას — ნახშირბადისა და ნარჩენებისგან თავისუფალი მომავლისადმი. ცხადია, ეს სხვა მსხვილი გარემოსდაცვითი კომპანიებისთვისაც მაგალითის მიმცემია.
Nike-ის საჯარო კალათბურთის მოედანი ახალ ბელგრადში მდებარეობს. ეს საბოლოო ნაბიჯი კომპანიის მისიას ცხადყოფს — ხელი შეუწყოს ფიზიკურ აქტივობას, საზოგადოების განვითარებას და ინფრასტრუქტურის განვითარებას. Move to Zero-ს კამპანიის ფარგლებში MTZ Blok 70 კალათბურთის მოედანი ლონდონის კრეატიულმა სააგენტო Accept & Proceed-მა დააპროექტა. ეს ის ისტორიული ტერიტორიაა, რომელშიც რამდენიმე პროფესიონალი კალათბურთელი გაიზარდა — ამ ფაქტისადმი სიამაყე ზედაპირზე ორიგინალური შრიფტით დაბეჭდილი “BLOK 70”-ით გამოიხატება.
“Nike Belgrade-თან ერთად ვიზუალური ენა შევიმუშავეთ. ეს საინტერესო სამუშაო იყო, რომელიც ეჭვქვეშ აყენებდა არსებულ კონცეფციას სპორტული სივრცეების შესახებ: რა მოხდება, თუ კალათბურთის მოედნის ძირითადი სამშენებლო ბლოკებს დავშლით და მოედნის ტრადიციულ განლაგებას გადავხედავთ? ასევე, საინტერესო იყო სხვადასხვა ასოს ელემენტების მოფიქრება, რომლებსაც სხვა დეტალებზე აქვს გავლენა” — განმარტა ნაიჯელ კოტიერმა, Accept & Proceed-ის წამყვანმა დიზაინერმა.
საგულისხმოა, რომ კალათბურთის მოედნის შექმნის პროცესში მომხმარებლებიც ერთგვარად ჩართულნი იყვნენ, რაც მათ კიდევ უფრო მყარ ემოციურ კავშირს უქმნის. ადამიანები ხედავდნენ, როგორც გარდაიქმნებოდა მეორადი ფეხსაცმელები საჭირო მასალად — ეს არის იმერსული საგანმანათლებლო გამოცდილება, რომელმაც საზოგადოების მხრიდან ბრენდისა და პროცესისადმი ნდობა გამოიწვია.
უნდა აღინიშნოს, რომ Move To Zero Nike-ის უფრო ფართო ინიციატივაა, რათა პლანეტისა და სპორტის მომავალი ნახშირბადისა თუ ნარჩენებისგან თავისუფალი პრაქტიკის განისაზღვროს.
