სამთო-სათხილამურო სპორტი დღესდღეობით ისეთი პოპულარობით სარგებლობს, როგორც არასდროს. თუმცა, სამწუხაროდ მაღალია ადამიანის სიცოცხლის საფრთხეც. სწორედ ამიტომ, ევროპის ერთ–ერთმა ყველაზე დიდმა სათხილამურო კომპლექსმა Soelden, გადაწყვიტა გაუთვალისწინებელი რისკები მაქსიმალურად აეცილებინა თავიდან.
ყოველწლიურად, მთელი მსოფლიოს მასშტაბით, ზვავში სრიალის დროს დაღუპულ ადამიანთა რიცხვი 5,000 ზე მეტია. თოვლის უზარმაზარ მასაში დაკარგული ადამიანის ძებნისას ყოველი წამი გადამწყვეტია. სამწუხაროდ ყველას არ შეუძლია სპეციალური სამაშველო მოწყობილობის თან ტარება, იმ მარტივი მიზეზის გამო, რომ ის საკმაოდ ძვირია.
Soelden–მა სათხილამურო საშვს, რომელსაც ყველა მოსრიალე ყიდულობს სპეციალური გადამცემი საშუალება დაუმაგრა, რომელიც ყოველგვარი ინტერნეტის გარეშე გადასცემს სიგნალს მისი ადგილმდებარეობის შესახებ. საშვს არ სჭირდება არც ელემენტები, ამიტომ მუდმივად აქტიურია და ნებისმიერ დროს ხელმისაწვდომი.
ახალი საშვების ღირებულებამ, მართალია, სულ უმნიშვნელოდ მოიმატა, მაგრამ სამაგიეროდ, რისკფაქტორმა საგრძნობლად იკლო.
