მობილური აპლიკაციების რიცხვი მატულობს, შესაბამისად, ნებისმიერ ახალ აპლიკაციას სწორი სარეკლამო კამპანია ესაჭიროება.
სარეკლამო სააგენტო “Wieden+Kennedy”-მ Facebook-ის რომანტიული ვიდეო წარმოადგინა. ნახევარწუთიანი ვიდეო შეყვარებულების ისტორიას მოგვითხრობს, რომლებიც Messenger-ის საშუალებით ერთმანეთს ტექსტური შეტყობინების გარდა ვიდეოებს, ფოტოებს და ხმოვამ მესიჯს უგზავნიან.
“ვახშმის დაგეგმიდან სიყვარულის ახსნამდე ყველაფერი Messenger-ის დახმარებით შეიძლება გააკეთოთ. სადაც ტექსტი ზედმეტია, შეგიძლიათ ფოტოთი ან ვიდეოთი ჩაანაცვლოთ. ეს ყველაფერი კონტაქტს ამარტივებს და ჩვენი შექმნილი რეკლამაც სწორედ ამ ინფორმაციის გავრცელებისთვის გავაკეთეთ” – “W+K”-ს კრეატორები.
სარეკლამო კამპანია ლოს-ანჯელესსა და ჩიკაგოში გაუშვეს. ნოემბრის თვიდან მას სხვა ქალაქები და გარე რეკლამაც შეუერთდება.
http://youtu.be/hMJvw-RfTEI
