in ,

2020 წლის საუკეთესო სამეცნიერო ფოტოსურათები

COVID-19-ის პანდემიამ მეცნიერება წინა პლანზე წამოიწია და ალბათ, ჩვენს ყოველდღიურობაშიც დომინირებდა. მართალია, ინტერნეტ სივრცეში ხშირად ვხვდებით კორონავირუსის ნაწილაკის ფოტოს, თუმცა ამასთან ერთად კიდევ ბევრი სხვა სამეცნირო ფოტო დაგროვდა წლის განმავლობაში – მზის თხელი უჯრედებიდან გენური ინჟინერიით შექმნილ კალმარებამდე. ჟურნალმა Nature კი 2020 წლის საუკეთესო სამეცნიერო ფოტოები გამოაქვეყნა. 

ფოტო: “ჯამბაზის წარმოდგენა” Daniel Knop/Nikon Small World

ფოტოზე წარმოდგენილია ჯამბაზი-თევზის (Amphiprion percula)ემბრიონის განვითარების პირველი, მესამე, მეხუთე და მეცხრე დღე.

ფოტო: “ზედაპირზე” NSO/NSF/AURA

ეს არის მსოფლიოს ყველაზე ძლიერი ტელესკოფით გადაღებული ყველაზე მაღალი გარჩევადობის ფოტო, რომელიც ოდესმე გადაუღიათ მზისთვის.

ფოტო: “კიბოს გახლეჩვა” Chris Bakal and Nick Moser

ეს კიბოს უჯრედი იონური სხივის გამოყენებით გაიხლიჩა. ტექნიკა, რომელსაც Ion-Meam Milling- ს უწოდებენ, მკვლევარებს საშუალებას აძლევს დეტალურად დაათვალიერონ კიბოს უჯრედები.

ფოტო: “დაცვა თუ დაბინძურება” Mohd Rasfan/AFP/Getty

მალაიზიაში მაიმუნებს სამედიცინო ნიღაბი აქვთ, რომელიც კორონავირუსული პანდემიის ფონზე ბევრისთვის ყოველდღიური ცხოვრების ნაწილი გახდა. სამწუხაროა, რომ ნიღაბმა ცხოველთა სამყაროშიც გააღწია.

ფოტო: “უხილავი მელანი” Karen Crawford
ფოტო: “დიდი ჩრდილოეთი” Alfred-Wegener Institut/Lianna Nixon, University of Colorado Boulder

მეცნიერები, რომლებიც არქტიკაში ყველაზე დიდ საკვლევ ექსპედიციაში მონაწილეობენ, ატარებენ ტემპერატურის, ტენიანობის და წყლის ორთქლის ატმოსფერულ გაზომვებს. MOSAiC– ის მისიამ უპრეცედენტო მონაცემები მოგვცა ჩრდილოეთის კლიმატის შესახებ.

ფოტო: “მშვიდი ცურვა” R.P. Doherty et al./Soft Matter

ნავის ფორმის ეს ნაწილაკი 30 მიკრომეტრია და ქიმიური რეაქციის გამოყენებით დამოუკიდებლად მოძრაობა შეუძლია. მკვლევარებმა ნაწილაკი 3D პრინტერით შექმნეს  და ლითონით დაფარეს.

ფოტო: “რითელი ხედვა” Adrees Latif/Reuters

აშშ-ში წელს განსაკუთრებით დიდი სიხშირით ჩნდებოდა ხანძარი. ფოტოზე ვხედავთ, თუ როგორ ეძებენ ორეგონის შტატის მეხანძრეები დამწვარ სახლებში ადამიანებს.

ფოტო: “დახაზული ცა” Rafael Schmall

მოძრავი სატელიტებიდან გადაღებული ვარსკვლავის ფოტო.

ფოტო: “თმის ზრდა” Jiyoon Lee and Karl R. Koehler

ფოტოზე გამოსახულია თმის ფოლიკულებით დაფარული ადამიანის კანი.

ფოტო: “ნგრევის ნაპერწკალი” Domcar C Lanco

ფოტოზე გამოსახულია ვულკან ტაალის ამოფრქვევის დროს წარმოქმნილი ელვა.

ფოტო: “მეშვიდე გვირგვინი” Centers for disease control and prevention

ალბათ, ყველას გეცნობათ კორონავირუსის ნაწილაკი.

ფოტო: “ენერგო ბუშტი” Anastasia Serin

ფოტოზე წარმოდგენილია მზის ელემენტი, რომელიც მეცნიერებმა პრინტერით შექმნეს და იმდენად მსუბუქია, რომ საპნის ბუშტებზეც თავსდება.

 

12 წლის ინგლისელი ფეხბურთელი, საშობაოდ, 300 ოჯახს დაეხმარა

ფიზიკოსებმა საოცრად ზუსტი საათი შექმნეს