შუა ზაფხულში ზღვის სანაპიროზე გასეირნება ერთი სიამოვნებაა, მაგრამ ის ვერ შეედრება ფეშენებელური ლაინერით მოგზაურობას – Seabourn-ი თავის რეკლამაში სწორედ ამ დაუვიწყარ მომენტებს აღწერს. Ultra-Luxury კატეგორიის ლაინერი უამრავ სიურპრიზს უმზადებს მოგზაურობის მსურველებს.
სააგენტო Figliulo & Partners-მა საინტერესო მიდგომა გამოიყენა. ვიდეორგოლში ორი კადრი ერთდროულად ჩანს. ზღვაში და ხმელეთზე მიღებული სასიამოვნო შეგრძნებების აღბეჭდვა და ასე კომბინირებულად გადმოცემა სრულ წარმოდგენას გვიქმნის მოსალოდნელ მოგზაურობაზე. ახალ ზელანდიასა და ისლანდიას შორის მოგზაურობა ცხელი კლიმატიდან ცივში გადაგიყვანთ. ვიდეორგოლი ორიგინალურ შედარებებს გვთავაზობს: აზვირთებული ტალღა და ნაყინი, მყინვარები და უკიდეგანო ჰორიზონტი, ჩანჩქერი და შამპანური… ეს სრული ჩამონათვალი არ არის.
https://www.youtube.com/watch?v=-Y6kxUDZcEI
