შანხაიში დაფუძნებულმა ონლაინ გასართობმა კომპანია Bilibili-მ, თავისი მარკეტინგული ხრიკით, მთელი მსოფლიო გააოცა.
გიგანტური QR კოდი
ცოტა ხნის წინ კომპანიამ 1500 დრონი გამოიყენა, რათა შანხაის ცაზე გიგანტური QR კოდის გამოსახულება შეექმნა. “ჩინეთი მომავლის სამყაროში ცხოვრობს, გიგანტური QR კოდი ნამდვილად სიგიჟეა!” – ასე ეხმაურებოდნენ Facebook მომხმარებლები შოუსთან დაკავშირებულ სიახლეს, რომელიც სწრაფად მოედო მთელ მსოფლიოს.
Bilibili-მ შოუ იაპონური ვიდეო თამაშ “Princess Connect! Re: Dive”-ის ერთი წლის იუბილეს მიუძღვნა. მაყურებლებს შეეძლოთ, QR კოდი მობილურის დახმარებით დაესკანერებინათ, რის შემდეგაც თამაშთან დაკავშირებულ ვებგვერდზე მოხვდებოდნენ.
თამაში იაპონიაში სამი წლის წინ ამოქმედდა, ჩინეთში კი – გასული წლის აპრილში.
