ხანდახან საუბარი ყველას გვჭირდება

ბრიტანეთში, ფრანგულმა სადაზღვევო კომპანიამ AXA UK, ბოლო კამპანიაში აქცენტი მენტალურ ჯანმრთელობაზე გააკეთა და სააგენტო Fallon London-ს დავალება მისცა, რომლის მიხედვითაც, მას ბრენდის ამოცანა – ადამიანების ცხოვრების გაუმჯობესებაზე ზრუნვა ვიზუალურად უნდა გადაეჭრა.

ვიდეორგოლში ინტეგრირებულია 4 ინდივიდუალური რეალური ამბავი იმის შესახებ, როგორ გამოცადეს ადამიანებმა მენტალურ ჯანმრთელობასთან დაკავშირებული სირთულეები და როგორ გაუმკლავდნენ მას.

„ხანდახან ყველას გვჭირდება საუბარი“, – ნათქვამია ნამუშევრის ბოლოს, მანამდე კი, გადმოცემულია, მაგალითად, სოფი ბრედლი ოკლენდის – „ლივერპულის“ ქალთა ფეხბურთის კლუბის კაპიტნის ამბავი, რომელიც ჰყვება იმაზე, როგორ ცდილობდა სპორტულ ტრავმასთან გამკლავებას და თანაგუნდელებთან საუბრარმა შვება როგორ მოჰგვარა.

„ეს კამპანია არ არის დაზღვევაზე… ის ხაზს უსვამს საუბრის, ჩვენი ფიქრებისა და გრძნობების სხვებისთვის გაზიარების საჭიროებას“, – ამბობს ჩაკა სობანი, Leo Burnett / Fallon-ის კრეატიული ოფიცერი. „ადამიანებს ხშირად, ძალიან უმძიმთ, რომ საკუთარ მენტალურ ჯანმრთელობაზე ისაუბრონ, ბრენდი AXA კი, ამ თემის წინ წამოწევით, სწორედ ამ ზღვრის გადალახვისკენ მოუწოდებს მათ“.

ურთიერთობის კულტურა, რომელიც ყოველდღიურ ცხოვრებაში უნდა დაინერგოს – გაზიარების შესაძლებლობა სწორედ ისაა, რაც გვაძლიერებს.