მე-4 წელია, She’s Next Empowered by Visa საქართველოში ქალი მეწარმეების მუდმივი მხარდამჭერია. მის ფარგლებში, შეიქმნა ქალი მეწარმეების ქსელი და მათი ხელშეწყობის სრულიად ახალი სტანდარტი.
Visa, პარტნიორებთან ერთად, მრავალფეროვან რესურსს სთავაზობს ქალებს ბიზნესის დასაწყებად და განვითარებისთვის. შესაბამისად, თითოეული ინიციატივა მორგებულია ქალი მეწარმეების საჭიროებებსა და მათ გაძლიერებაზე.
Visa-ს ინიციატივით, She’s Next-ის მეოთხე ტალღის ფარგლებში, გამოცხადდა ბიზნეს იდეების კონკურსი ქალებისთვის, ბიზნეს ფედერაცია „ქალები მომავლისთვის“ და USAID-ის ეკონომიკური უსაფრთხოების პროგრამასთან თანამშრომლობით. პროექტს სამი გამარჯვებული ჰყავს, რომელთაც, ფულადი პრიზების სახით, 10 000 ლარი გადაეცათ.
