ინტერნეტ სივრცეში, რამდენიმე დღის წინ, გამოჩნდა ახალი პლატფორმა Sheamotsme.ge. ვებგვერდზე შესულ ნებისმიერ ადამიანს შეუძლია ისარგებლოს უფასო სერვისით და შეამოწმოს, სრულყოფილად მოეწოდება თუ არა აბონენტს ინტერნეტი. პლატფორმა Sheamotsme.ge საქართველოს კომუნიკაციების ეროვნული კომისიამ (GNCC), საკომუნიკაციო სააგენტოსთან Redberry ერთად შექმნა და მისი პოპულარიზაციისთვის აქტივობებიც წამოიწყო. კამპანია, სახელწოდებით “თუ გიჭედავს, შეამოწმე” სახალისო აქტივობებს მოიცავს და ცდილობს ყველა ინტერნეტ მომხმარებლამდე მიიტანოს ინფორმაცია ამ სერვისის შესახებ. კამპანიის ფარგლებში, ასევე, შეიქმნა ვიდეორგოლები, ინსტრუქციები, ვებგვერდი და გასაჩივრების ონლაინ სისტემა. პირველი ვიდეორგოლი ინტერნეტში 25 მარტს გამოჩნდა. ესაა როკ სიმღერა, რომლის ტექსტი ინტერნეტის შეფერხებით მიწოდებას ეხება, თავად ვიდეო კი 90-იანი წლების სტილშია გადაღებული.
https://www.facebook.com/Sheamotsme/videos/794702954220642/
კონკრეტულად, რას ემსახურება კამპანია და რა შეიქმნა მის ფარგლებში, GNCC-სა და Redberry-ს წარმომადგენლებისგან შევიტყვეთ.
ლანა ბერიძე, კომუნიკაციების ეროვნული კომისიის საზოგადოებასთან ურთიერთობის სამსახურის უფროსი: “Sheamotsme.ge ფიქსირებული ინტერნეტის მომხმარებლებს მიცემს შესაძლებლობას, დამღლელი პროცესი, რომელიც ინტერნეტის ყოველი გაჭედვის შემდეგ პროვაიდერ კომპანიასთან ხანგრძლივი სატელეფონო საუბრით და სხვა ინსტრუმენტებით უწევდათ, მარტივად მოაგვარონ, ამისათვის ყველანაირი წინაპირობა შევქმენით. კომისიამ ერთი წლის განმავლობაში აქტიური სამუშაოები ჩაატარა. მიიღო დადგენილება, რომლის მიხედვითაც პროვაიდერ კომპანიებს დაევალათ აბონენტებთან დადებული ხელშეკრულებების გასწორება. ასევე შემოწმების საიმედოობისა და სიზუსტის მიზნით, ხარისხის კონტროლის ტექნიკურ ნაწილზე ვიმუშავეთ ძალიან გამოცდილ და კვალიფიციურ ამერიკულ კომპანია Visualware-თან. სწორედ მათი აპარატურით ხდება ინტერნეტის ხარისხის შემოწმება. ამიტომაც, თუ გიჭედავთ შეამოწმეთ!”
M: რას მოიცავდა კამპანიის კონცეფცია და იდეა?
რეზო შელია, Redberry, კრეატიული დირექტორი: “თუ გიჭედავს შეამოწმე” – არის უმარტივესი ინსტრუქცია, call to action და ამავედროულად, პლატფორმის სახელის შემცველი ფრაზა (sheamotsme.ge). კამპანიის მთავარი ამოცანა სწორედ ამ ფრაზის დამკვიდრება (ვიმედოვნებ, აკვიატებაც) და მომხმარებლის ქცევის ცვლილებაა. კამპანიის მიზანია, რაც შეიძლება მეტი ადამიანი შევიდეს WWW.SHEAMOTSME.GE ვებგვერდზე და შეამოწმოს ინტერნეტის სიჩქარე და ხარისხი. ინტერნეტის ხარისხი ყველასთვის მნიშვნელოვანია, ამიტომ გვინდა, რომ ბევრი ადამიანმა გაზომოს და დააფიქსიროს მას როგორი ინტერნეტი მიეწოდება, თუ , შემოწმების დროს დააფიქსირებს რომ უახარისხო ინტერნეტს იღებს, გამოაგზავნოს საჩივარი, GNCC შეძლებს პრობლემის მოგვარებას. პლატფორმის საბოლოო ბენეფიტი სწრაფი და უხარვეზო ინტერნეტია, პლუს, გართობა.
გადავწყვიტეთ ნებისმიერი კომუნიკაცია, იქნებოდა ეს ყველასათვის ნაცნობ ინტერნეტის ტკივილზე დაწერილი სიმღერები თუ უბრალო ვებგვერდის ტუტორიალი, შესაბამისი ხასიათი ყოფილიყო – სახალისო, სასიამოვნო სანახავი და რაც მთავარია “თუ გიჭედავს შეამოწმეს” მღაღადებელი.
M: რა აქტივობებისგან შედგება კამპანია და რომელ საკომუნიკაციო არხებს მოიცავს?
Tokareshka, Redberry, კრეატიული დირექტორი: “პრობლემა და შესაბამისად, GNCC-ის და ჩვენს მიერ შექმნილი პროდუქტი რომელიც მის გადაჭრაში გეხმარებათ მთლიანად ციფრულ სამყაროშია. კომუნიკაციაც, შესაბამისად, დიჯითალის ყველა შესაძლო არხში გაიშლება, ამისთვის კონტენტით დატვირთული კამპანია შევქმენით. პოსტ პანკ ვიდეო და ლეკვებიანი საიტის ტუტორიალი კამპანიის პირველი კომპონენტებია. კამპანია 3 კვირა გაგრძელდება, რის განმავლობაშიც დიდი რაოდენობის სახალისო და მრავალფეროვან ქონთენთს გპირდებით, რის განმავლობაშიც ძალიან ბევრჯერ მოისმენთ ფრაზას – “თუ გიჭედავს შეამოწმე”.
M: Web-ის მიმართულებით რა შექმენით?
ლაშა ლომოური, Redberry, ციფრული პროდუქტების დიზაინერი: ”ჩვეულებრივი სპიდტესტისგან განსხვავებით, ამ პროდუქტის საშუალებით, მომხმარებელს შეუძლია ოფიციალური სარჩელის წერილის დაწერა ინტერნეტ პროვაიდერისთვის, რომლითაც კომუნიკაციების ეროვნული კომისია კანონის მიხედვით იმოქმედებს.
პროდუქტის დიზაინის მთავარი ამოცანა იყო, საკმაოდ რთული პროცესი ისე გარდაგვექმნა და მიგვეწოდებინა მომხმარებლებისთვის, რომ მათთვის მარტივი გასაგები და მისაღები ყოფილიყო ინტერნეტ სიჩქარის გაზომვის და შემდეგ ხარვეზის შემთხვევაში საჩივრის წერილის გაგზავნის გამოცდილება. იმისათვის, რომ სწორად მოვახერხოთ ინტერნეტის სიჩქარის გაზომვა მომხმარებელმა უნდა დაიცვას რამოდენიმე წესი. ამ წესების მარტივად ასახსნელად და საჩვენებლად, დაიხატა თითოეულის ამხსნელი ილუსტრაცია. ამ მეთოდით ვეცადეთ ვიზუალურად გადმოგვეცა ყველა პირობა. “
Credits: Client: Georgian National Communications Commission Agency: Redberry Creative Directors: Rezo Shelia, Tokareshka
Executive Producer/Account Manager: Mariam Khoperia
Account Director: Irakli Kavelashvili
Strategy Team Head: Gaga Darsalia Strategy Team: Aleksandre Kvetenadze, George Karanadze
Graphic Designer: Salome Khazaradze
Digital Planner: Keti Maruashvili, Tanya Basheleishvili
Compositor : Zviad Mgebry,
Video Production: Production Team Head: Levan Ketskhoveli
Director: Temur Tetrashvili
Director of Photography: Pitha
Art Department: Slow Pulse Group
Costume Designers: Liana Metreveli Irina Beriashvili,
Make-up Artist: Tata Asabashvili
Post Production: Giorgi Akhvlediani, Tengo Tetrashvili
music by: Post Red Audio
Animation: 20 steps
Digital Product Digital Products Director: Basa Metreveli
Digital Products Designer: Lasha Lomouri
Project Manager: Tika Makarashvili
Digital Products Art Director: Ane Erkomaishvili
Illustrator: Nikoloz Baloo Kuparadze
UI/UX Designer – Dali Kenchoshvili
Chief Technical Officer: Achi Bakhsoliani
Front-End Developer: Giorgi Giunashvili
Quality Assurance: Mari Vaqiashvili
Special thanks to: Nika Abesadze, Aleksandre Tsiklauri, Tetso.
E. Mikeladze Central Music School, George Petriashvili, Tato Rusia
