დღეს ერთ-ერთ საუკეთესო ტექტალანტზე, შოთა იორამაშვილზე უნდა ვისაუბროთ, რომელიც ცოტა ხნის წინ თიბისის გუნდს შეურთდა და ვებ და მობაილდეველოპმენტის მიმართულებით არეა ლიდის პოზიცია დაიკავა.
შოთა ტექნოლოგიურ ლანდშაფტში არსებულ სირთულეებში ნავიგაციას უკვე ათი წელია წარმატებით ახერხებს. როგორც თავად გვიყვება, კარიერა ვებდეველოპმენტის მიმართულებით დაიწყო, თუმცა გარკვეული დროის შემდეგ მობილური აპლიკაციების დეველოპმენტის ინტერესი გაუჩნდა. ის 8 წლის განმავლობაში, iOS-Native აპლიკაციებზე მუშაობდა – ჩართული იყო არაერთ საინტერესო პროექტში, რომელთა ფარგლებშიც სხვადასხვა მნიშვნელოვანი უნარის განვითარება და სრულყოფა შეძლო.
„ამ ათი წლის განმავლობაში, რაც მუშაობა დავიწყე, სულ თან გამდევდა სწავლების ნაწილი. არაერთ კურსს გავუძეხი, როგორც ქართულს, ასევე უცხოურს. ამასთან, საგანმანათლებლო პროგრამების შექმნაზე მუშაობაც მომიწია. მაგალითად, თიბისის IT აკადემიის განახლებული კურიკულუმის შექმნაზე მუშაობის შესაძლებლობა მქონდა, კერძოდ, iOS დეველოპმენტის მიმართულებით, რაც ძალიან სასიამოვნო პროცესი იყო”, – გვიყვება შოთა.
შოთას მხრიდან თიბისიზე არჩევნის შეჩერება შემთხვევითი, მომენტალური ან სპონტანური არ ყოფილა – ეს გარკვეულწილად კომპანიაში დაბრუნებაა. შოთას თიბისის ტექგუნდში მანამდეც უმუშავია, იგი 3 წლის წინ iOS ჩეპტერ ლიდის პოზიციას იკავებდა. ასევე, მას ერთ-ერთ კომპანიაში ტექლიდის როლი ჰქონდა, რამაც სრულიად ახალი გამოცდილება და უნარები შესძინა, როგორც თავად ამბობს, პროფესიულად კიდევ უფრო განავითარა.
„თიბისისთან და მის გარემოსთან ყოველთვის მქონდა ემოციური ბმა. ეს პირველი შესაძლებლობაა ამ მასშტაბის კომპანიაში, ამხელა გუნდის ფარგლებში, ასეთი საპასუხისმგებლო როლიდან წარმოვადგინო ჩემი თავი. ჩემთვისაც დიდი ინტერესი იყო, რომ მსგავსი რეალობიდან შემეფასებინა ჩემი შესაძლებლობები,“ – ამბობს შოთა.
თიბისიმ შოთას ყურადღება არა მხოლოდ საკუთარი თავის გამოცდის სურვილმა, არამედ ტექნოლოგიების მიმართ კომპანიის ინოვაციურმა მიდგომებმაც მიიპყრო. მისი თქმით, თიბისი ის იშვიათი ორგანიზაციაა, რომელიც ყოველთვის მზად არის მიმდინარე და მომავალი გამოწვევები ტექნოლოგიური გადაწყვეტილებებით გადაჭრას. ეს იდეალურად ემთხვევა მის მისწრაფებას, გაიზარდოს როგორც პიროვნულად, ისე პროფესიულად, უფრო დიდ და გავლენიან გარემოში.
შოთას, როგორც ვებისა და მობაილდეველოპმენტის Area Lead-ის მიზანი კომპანიაში ტექტალანტებისთვის მიმზიდველი გარემოს შექმნაა, რაც მათ თავიანთი პოტენციალის გააზრებაში დაეხმარებათ.
„ჩვენ ვართ ტექნოლოგიური კომპანია და გვსურს მიმზიდველები ვიყოთ ამ კუთხით და შევქმნათ გარემო, სადაც ერთმანეთზე ზრუნვას ვიგრძნობთ. სამუშაო გარემოში სიმარტივისა და სილაღის შემოტანა, სადაც ტალანტებს საკუთარი თავის საუკეთესო ვერსიის წარმოჩენა შეეძლებათ, არის ჩემი მიზანი, ყველაზე დიდი და საინტერესო გამოწვევა”, – ამბობს შოთა.
შოთამ თიბისის ტექგუნდიც მიმოიხილა და აღნიშნა, რომ ის დაკომპლექტებულია ტალანტების მრავალფეროვანი ჯგუფით, რომლებსაც როგორც მიმდინარე პროექტებზე წარმატებული მუშაობის, ასევე მომავალი ზრდისთვის მნიშვნელოვანი პოტენციალი გააჩნიათ. მის აღფრთოვანებას იწვევს ფაქტი, რომ ახალი ტექნოლოგიებისა და ინოვაციების დანერგვისთვის კომპანიაში სრული ღიაობაა.
„არსებობს მოსაზრება, რომ ბანკში შედარებით ნელი პროცესები მიმდინარეობს და იქ მუშაობა საინტერესო არ არის. ამ სტერეოტიპს თიბისი, თუნდაც საკუთარი ტექტალანტების მაგალითით ამსხვრევს. ეს ყველაფერი კიდე უფრო გაუმჯობესდება: ვიყენებთ უახლოეს ტექნოლოგიებს, მიდგომებს, ენებს…ეს არის განვითარებისა და გაზრდის სივრცე”, – თქვა შოთამ.
საერთო ჯამში, შოთა თიბისისთან ერთად მოგზაურობის მორიგი თავის დაწყებას ისეთი კულტურის ჩამოყალიბებით აპირებს, რომლის ამომავალი წერტილი განვითარება, ინოვაცია და ურთიერთდახმარება იქნება. მსგავსი ლიდერების არსებობა თიბისისთვის და მთლიანად ტექნოლოგიური საზოგადოებისთვის ნათელი მომავლის საწინდარია.
[პარტნიორის კონტენტი]
