წელიწად-ნახევარია, რაც თბილისში, სალონი „სლავური მასაჟი“ მომხმარებელს ნურუ მასაჟს სთავაზობს, რომელიც მოიცავს კლასიკური და ეროტიკული მასაჟის მიქსს. ეს ფორმა შეიძლება ჩაითვალოს როგორც სამკურნალო, ასევე, რელაქს სახის მასაჟად. როგორც დაწესებულებაში ამბობენ, მომსახურება გათვლილია როგორც მამაკაცებისთვის, ასევე ქალბატონებისთვის. „მინდა, ხაზი გაუსვა, რომ ნურუ მასაჟი არ მოიცავს ინტიმურ მომსახურებას“, – ამბობს დაწესებულების დამფუძნებელი, თუმცა, საკომუნიკაციო სტრატეგიიდან გამომდინარე, რომელსაც პირობითად, „ეს ის არ არის, რაც შენ გგონია“ შეარქვეს, „სლავური მასაჟის“ ფეისბუკ გვერდის გამომწერებში, გვერდის საკომუნიკაციო ენა ეჭვსა და მრავალ კითხვას ბადებს. დაწესებულება კი, კითხვების მოგერიებისას, ახალ კითხვებს აჩენს:
ქართულ ბაზარზე მასაჟის მომსახურებას არაერთი დაწესებულება უზრუნველყოფს, თუმცა, მათი უმრავლესობა ინტიმურ მომსახურებასთან ასოცირდება. როგორ გამოიყენა საზოგადოებაში დამკვიდრებული სტერეოტიპი საკომუნიკაციო სტრატეგიად „სლავურმა მასაჟმა“, რა გამოარჩევს მას სხვა, მსგავსი ობიექტებისგან და რა არის ის მიზანი, რასაც ბრენდმა ქართულ ბაზარზე უნდა მიაღწიოს. ამ და სხვა კითხვებზე პასუხი „სლავური მასაჟის“ დამფუძნებლისგან მივიღეთ:
M: რას გამოხატავთ სახელით „სლავური მასაჟი“ და როგორი იყო მის შექმნასთან დაკავშირებული საჭიროება ქართულ ბაზარზე?
ჩვენი სალონი წელიწად-ნახევარია, რაც ფუნქციონირებს და უკვე სერიოზული კაპიტალი დავაგროვეთ, მომხმარებელთა თვალსაზრისით. ბაზრის კვლევის შედეგად, გამოჩნდა, რომ მსგავსი ტიპის მომსახურება ქართულ ბაზარზე არ არსებობდა და თუ გავხსნიდით, ეს იქნებოდა პირველი მაღალი დონის სალონი. ამდენად, ეს წამოწყება ერთგვარ რისკებს უკავშირდებოდა, ეს იყო გამოწვევა, რომელიც, ვფიქრობთ, რომ წარმატებით დავძლიეთ. არ არის მარტივი, მსგავსი ბიზნესი ისე წამოიწყო, რომ დაბრკოლებებს არ შეხვდე, ჩვენი მთავარი ამოცანა სწორედ ეს იყო, რომ სწორი ინფორმაცია მიგვეწოდებინა მომხარებლებისთვის, თუ რას ვთავაზობთ მათ. სახელი სლავური მასაჟი წარმოიშვა ჩვენი პერსონალიდან გამომდინარე, სულ თავიდან, მხოლოდ სლავი პერსონალი გვყავდა სხვადასხვა ქვეყნიდან შემდგომ, უკვე მოთხოვნიდან გამომდინარე, დაგვემატნენ ქართველი მასაჟისტი გოგონები, მაგრამ სახელი უცვლელი დარჩა.
საქართველოში მსგავსი ხარისხის მომსახურება არ არის, ამიტომ, ორიენტირად უცხო ქვეყნების გამოცდილება ავიღეთ, რა თქმა უნდა, ქართულ რეალობასთან ადაპტირებული და მიახლოებული. ამ პერიოდის გამოცდილებამ არაერთი ტიპის ადამიანთან ურთიერთობა გვასწავლა, რაც გვეხმარება ჩვენი სერვისის სრულყოფაში. დღეისათვის, მოთხოვნა მზარდია, ამიტომ ვცდილობთ, ჩვენც შესაბამისი სტანდარტებითა და მზაობით დავხვდეთ მომხმარებლებს. რაც მთავარია, იხვეწება როგორც მომსახურების პირობები, ჩვენი მხრიდან, ასევე, მომხმარებლების დამოკიდებულება და ინტერესები ჩვენდამი.
არის თბილისში რამდენიმე, ძალიან კარგი მასაჟის სალონი, რომელიც სთავაზობს მომხმარებელს სამკურნალო, გამაჯანსაღებელ და სხვა ტიპის მასაჟებს, მაგრამ არა ნურუ მასაჟს, რომელსაც ჩვენი სალონი. აქედან გამომდინარე, ალბათ, ერთმანეთის კონკურენტები არ ვართ. როგორც წესი, ჩვენთან ყოველ 2 თვეში ერთხელ ხდება პერსონალის განახლება, აქედან გამომდინარე, ჩვენს სალონში სულ სიახლეებია როგორც პერსონალის მხრივ, ასევე, პროცედურების მხრივ.
