663 მლნ ადამიანის სიცოცხლე რისკის ქვეშაა დაბინძურებული წყლის გამო, – გვამცნობს Charity:Water. სტატისტიკა აჩვენებს, რომ გაუფილტრავი წყლით უფრო მეტი ადამიანი იღუპება დედამიწაზე, ვიდრე ეპიდემიებითა და ომებით. როგორც ყოველთვის, სოციალური ქსელები არაჩვეულებრივია პროპაგანდისთვის. ორგანიზაციამ, რომელიც Charity:Water–ის სახელითაა ცნობილი, DigitasLBi–სთან ერთად, შექმნა ვიდეორგოლების სერია, რომელიც თვალნათლივ გიჩვენებთ სხვაობას სუფთასა და დაბინძურებულ წყალს შორის.
ვიდეორგოლებში გემრიელი კერძებისა და კოქტეილების მომზადების პროცესია, რომელსაც ერთ განსაკუთრებულ ინგრედიენტს უმატებენ – ჭუჭყიანი წყალი. ასეთი საკვების მიღების შემდეგ სერიოზული მკურნალობა დაგჭირდებათ.
ეს კამპანია მოსახლეობას მოუწოდებს შეცვალოს მწარე რეალობა. ამ მიზნით, სოციალურ ქსელებში ჭუჭყიან წყალთან ბრძოლა დაიწყო ჰეშთეგით #FightDirty. 663 მილიონი ადამიანი ელის შემოწირულობას და სუფთა წყალს.
