კანადელებს უყვართ ბოდიშის მოხდა. ზოგჯერ მცირე მიზეზით, ზოგჯერ კი სრულიად უმიზეზოდ. თუმცა, ამჯერად, მათ ბოდიშს საფუძველი აქვს და ეს კალათბურთში მათი წარმატებაა.
#SoSorry ჰეშთეგითა და 30 წამიანი ვიდეორგოლით კანადელები სხვების დაჩრდილვისთვის იხდიან ბოდიშს.
წელს კანადურ კალათბურთს 125 წელი შეუსრულდა, ახალი ვიდეორგოლიც სწორედ ამ ფაქტს მიეძღვნა. რეკლამაში ცნობილი კანადელი სპორტსმენები იღებენ მონაწილეობას, რომლებიც სხვადასხვა ყოველდღიურ სიტუაციში უამრავ ბოდიშს იხდიან.
კალათბურთის საერთაშორისო ფედერაციის მიხედვით (FIBA), კანადელი ქალების საკალათბურთო ნაკრები მსოფლიო რეიტინგში მეცხრე ადგილს იკავებს, მამაკაცების კი 26-ეს. რაც შეეხება ბოდიშის მოხდას, აქ ისინი პირველობას არავის უთმობენ.
ვიდეორგოლზე სააგენტო SapientNitro-მ იმუშავა.
