SpaceX-მა ახალი სატელიტური პროექტი წარადგინა, სახელწოდებით StarShield, რომელიც სამხედრო მიზნებისთვის იქნება განკუთვნილი. კონკრეტულად, თანამგზავრებს Starlink-ის ინტერნეტის მხარდაჭერა ექნება, რაც ეროვნული უსაფრთხოების დაცვას შეუწყობს ხელს. ეს ყველაფერი კი ფართომასშტაბიან თვალთვალში გამოიხატება, ასევე გარკვეული ტვირთვის ორბიტაზე შენახვაში.
შეიძლება ითქვას, რომ აღნიშნული სიახლე ერთ ფაქტს უსვამს ხაზს — SpaceX-მა სრულად დაიმკვიდრა ადგილი აშშ-ის სამხედრო-ინდუსტრიულ კომპლექსში. უბრალოდ, საინტერესოა, სად მიგვიყვანს ეს ყველაფერი ან რა არის მასკის მთავარი მიზანი.
ჯაშუშური თანამგზავრები
SpaceX-ს ბევრი არაფერი უთქვამს ახალი თანამგზავრების შესახებ, თუმცა მის ვებგვერდზე განთავსებული ილუსტრაცია სწორედ ერთ-ერთ თანამგზავრს წარმოადგენს. ამასთან, კომპანია აცხადებს, რომ სატელიტს დამატებითი მაღალი სანდოობის კრიპტოგრაფიული შესაძლებლობა ექნება, რათა ინფორმაცია უსაფრთხოდ დაამუშაოს და სამხედრო ოპერაციები სრულად გასაიდუმლოებული დატოვოს.
გარდა ამისა, თანამგზავრი Starlink-ის ქსელს „სატელიტთაშორისი ლაზერული კომუნიკაციით“ დაუკავშირდება.
ამ დროისთვის პროექტის ყველაზე შორსმიმავალი მნიშვნელობა, ალბათ, იდეოლოგიურია. თუმცა SpaceX აჩვენებს, რომ მისი მოტივები მთვარისა და მარსის მშვიდობიან შესწავლას სცილდება.
