Sprite-მა გაავრცელა ვიდეორგოლი, რომელიც არგენტინაში, LGBTQ პრაიდს ეძღვნება და სვამს მთავარ კითხვას – რას გრძნობ, როცა შენი საყვარელი ადამიანი თავისუფლად ყოფნას ირჩევს? ვიდეორგოლი 1 წუთსა და 35 წამს გრძელდება, თუმცა, ასწრებს, მოგვითხროს ამბავი რამდენიმე ადამიანისა და ოჯახის შესახებ. ვიდეორგოლი აღწერს მზადებას პრაიდისთვის და აქ არის დედა, რომელიც ვაჟს მაკიაჟის გაკეთებაში ეხმარება, ბებია, რომელიც ტრანსვესტიტი შვილიშვილის ჩაცმაში სიამოვნებით იღებს მონაწილეობას და მამა, რომელსაც ვაჟი, ბოიფრენდთან ერთად, მიყავს პრაიდზე.
ბუენოს აირესში LGBTQ პრაიდი 2 ნოემბერს ჩატარდა. ვიდეორგოლზე კი სარეკლამო სააგენტო Santo-მ იზრუნა.
