შვედურმა სპორტულმა კომპანია Stadium-მა, ქალი სპორტსმენების მხარდასაჭერად, ახალი სარეკლამო ვიდეორგოლი გამოუშვა. სააგენტო Made To Order-ის მიერ შექმნილი რგოლი Fill the Stadium კიდევ ერთხელ გვარწმუნებს, რომ ქალბატონების ასპარეზობა არანაკლებ მნიშვნელოვანი, ამაღელვებელი, წარმატებული და სანახაობრივია. მიუხედავად იმისა, რომ დღევანდელ დროში ქალი სპორტში უკვე გასაკვირი აღარ არის, მაინც მათ გაცილებით უფრო მეტი ძალისხმევა, ვარჯიში და მონდომება სჭირდებათ იმისთვის, რომ საკუთარი შესაძლებლობები სრულად წარმოადგინონ და საზოგადოების თვალში მამაკაცებსაც გაუტოლდნენ. სწორედ ამიტომ, Stadium-ი და სხვა მრავალი ბრენდი მათ მხარდაჭერას, წახალისებას ცდილობს.
